08.05.2022
Берестовица: 9 °C
Кожны год у другую нядзелю мая мы адзначаем Дзень Дзяржаўнага герба і Дзяржаўнага сцяга Рэспублікі Беларусь. З гэтай нагоды для вучняў Масалянскага ясляў-саду – пачатковай школы была праведзена інтэлектуальная віктарына “Сімвалы беларускай дзяржавы”.
Мерапрыемства спрыяла развіццю пазнавальнага інтарэсу школьнікаў да гісторыі роднай краіны, пашырэнню ведаў пра сімволіку Рэспублікі Беларусь, выхаванню паважлівых і беражлівых адносін да дзяржаўных сімвалаў, да гістарычнага мінулага і традыцый народа нашай краіны.
Вучні з ахвотай адказалі на пытанні тэматычнай віктарыны і пагадзіліся, што дзяржаўная сімволіка – гэта наша агульная каштоўнасць. Мы – грамадзяне Рэспублікі Беларусь і не павінны забываць пра свой сцяг і герб, якія сімвалізуюць жыццё, працавітасць і надзею на шчаслівую будучыню.
Ірына Канеўская, бібліятэкар філіяла “Масалянская інтэграваная сельская бібліятэка”
