Жыхарка Бераставіцкага раёна ўзнагароджана ордэнам Маці

14.10.2020

Дзень маці стаў двайным святам для жыхаркі аграгарадка Пархімаўцы Алены Сакалоўскай. У гэты дзень яна ва ўрачыстай абстаноўцы атрымала ордэн Маці.

Уручыць ордэн Маці ў кантору КСУП “Пархімаўцы”, куды запрасілі мнагадзетную маму, прыехаў старшыня Бераставіцкага раённага Савета дэпутатаў Міхаіл Пісарык. Міхаіл Віктаравіч павіншаваў усіх прысутных жанчын з Днём маці, пажадаў ім здароўя, шчасця і дабрабыту. Асаблівыя словы ўдзячнасці за нялёгкую мацярынскую працу ён скіраваў, вядома ж, Алене Сакалоўскай і ўручыў ёй кветкі і заслужаны ордэн Маці.

Алена Славянінаўна да выхаду ў адпачынак па догляду за дзіцём працавала аператарам машыннага даення на ферме “Канчаны” ў КСУП “Пархімаўцы”. У яе сям’і нарадзілася і выхоўваецца пяць дзяцей. Старэйшаму сыну Уладзіславу 22 гады, ён ужо жанаты, жыве асобна і мае сваю дачку, дачцэ Карыне 17 гадоў, яна вучыцца ў гуманітарным каледжы, Даша – дзевяцікласніца, трохгадовы Сямён ходзіць у дзіцячы сад, а малодшаму Паўлу год і шэсць месяцаў, ён падрастае і выхоўваецца дома, з мамай.
- Атрымаць ордэн Маці для мяне вялікае хваляванне і гонар, - адзначыла Алена Славянінаўна, - я рада, што дзяржава не забывае мнагадзетныя сем’і і аказвае нам неабходную падтрымку, а мы, у сваю чаргу, будзем старацца выхаваць нашых дзяцей годнымі грамадзянамі.
**Ірына МІКЛАШ, фота аўтара**

Лента новостей

06.05.2026

Жыхарка Бераставіцкага раёна ўзнагароджана ордэнам Маці

В поле зрения ГАИ – пешеходные переходы

Электротравматизм: как избежать трагедии?

Жительница Щучина хотела купить качели и отдала более 400 рублей мошенникам

Сотрудники ГАИ в Гродненской области за сутки пресекли 487 нарушений ПДД

От старых касок до современных игр: необычный урок безопасности провели берестовицкие спасатели

Берестовицкая газета, 2025

Главный редактор

Отдел рекламы

Время работы и почта