08.05.2019
Берестовица: 21 °C
Чытачы філіяла “Масалянская інтэграваная сельская бібліятэка” прынялі ўдзел у абласной акцыі “Чытаем разам”, прысвечанай 75-годдзю вызвалення Рэспублікі Беларусь ад нямецка- фашысцкіх захопнікаў.
Літаратурная вахта памяці “Прачытай кнігу пра вайну” была прысвечана творам пра герояў Вялікай Айчыннай вайны. У акцыі ўдзельнічалі прадстаўнікі мясцовых улад: намеснік дырэктара па ідэалагічнай рабоце РУСП “Масаляны” Юлія Навакоўская, дырэктар Масалянскага ясляў-сада – пачатковай школы Галіна Козел, настаўнікі пачатковых класаў і вучні 4 класа. Былі прачытаны ўрыўкі з твораў Васіля Быкава, вершы Пімена Панчанкі, Петруся Броўкі, Янкі Купалы, Петруся Глебкі і іншых пісьменнікаў.
Ірына Канеўская, бібліятэкар філіяла “Масалянская інтэграваная сельская бібліятэка”
