13.02.2019
Берестовица: 12 °C
Як паведаміла загадчык аддзела абслугоўвання і інфармацыі райбібліятэкі Валянціна Чыкун, на сустрэчу запрасілі ўдзельнікаў баявых дзеянняў у Афганістане, воінаў-інтэрнацыяналістаў з г.п. В. Бераставіца Сяргея Гладкага і Віктара Відукова. Бібліятэкар Ірына Рожка расказала падлеткам пра падзеі 1979-1989 гадоў у Афганістане, пазнаёміла іх з літаратурай, прысвечанай гэтай тэме і прадстаўленай на выставе “Афганістан – ты боль маёй душы…”. Ветэраны-афганцы падзяліліся ўспамінамі аб суровых днях ваенных падзей, адказалі на пытанні навучэнцаў. Напрыканцы сустрэчы ўдзельнікі мерапрыемства ўшанавалі мінутай маўчання ўсіх загінуўшых на афганскай вайне.
Падрыхтавала Святлана Ганчарова 