04.01.2017
Берестовица: 11 °C
Святочныя віншаванні і падарункі атрымалі напярэдадні Новага года і дзеці з прыёмнай сям’і Івана і Галіны Кашлявікаў з аграгарадка Стары Дворац.
30 снежня ў госці да іх завіталі начальнік адасобленай групы Бераставіцкага раёна Віталій Ігнатовіч і намеснік ваеннага камісара па тэрытарыяльнай абароне ваеннага камісарыята Ваўкавыскага, Бераставіцкага і Свіслацкага раёнаў Валерыян Сяргееў.
У прыёмнай сям’і Кашлявікаў выхоўваецца цяпер трое дзетак – Наталля, Алена і Аляксей Дабрыёглы. Прадстаўнікі ваеннага камісарыята ўручылі дзяўчынкам наборы касметыкі, а іх малодшы брат атрымаў развіваючую гульню-канструктар.
Ірына МІКЛАШ, фота аўтара 