Нараджаецца Бог! Чалавек, абудзіся! Гэта Бог становіцца Немаўляткам – “Дзіця нам нара­дзілася” – а чалавек далей жыве сабой, палітыкай, забойствамі, зайздрасцю, паклё­памі. Свята Божага Нараджэння – гэта час, калі Адно Сэрца падарожнічае да ўсіх. Бог набліжаецца да твайго сэрца! Ці ты ўпусціш Яго? Ці тваё сэрца падрыхтавана для Бога і Яго Любові? Брат, сястра, затрымайся і запрасі Дзіцятка ў сваё жыццё, да сваіх радасцей і праблемаў – Дзіця пасмяецца ра­зам з табою і з табою паплача. У гэтыя святы жадаем вам, каб тое, што з’яўляецца пусткай, тугой, цярпеннем, у гэтую ноч саступіла месца любові ў моцы доўгачаканага Хрыста. Няхай Божае Нараджэнне абудзіць вас да сузірання, да разважання, да маўчання перад Богам. Віфліемская ноч, пячора пастуха, ціхая ноч… Цішыня з’яўляецца добрым правадніком пакоры. Услухайцеся ў гэтую цішыню. Пачуйце нешта большае. Гэта дарога благаслаўлёных. Так нараджаецца жыццё. Так нараджаецца святасць. Дарагія браты і сёстры! Ад усяго сэрца жадаем вам святасці ў штодзённым жыцці, святасці ў вашых сем’ях. Бацькі, маліцеся да Езуса аб мудрасці для сябе ў выхаванні дзяцей, маліцеся аб веры. Няхай Дзіцятка Езус наведае кожную нашу сям’ю. Езус вас любіць! Вы патрэбны Езусу! Святары Бераставіцкага дэканата