24 чэрвеня супрацоўнікі рэдакцыі “Бераставіцкай газеты” ра­зам з начальнікамі аддзяленняў і паштальёнамі правялі Дзень падпісчыка ў  Пагранічным і Кватарскім аддзяленнях паштовай сувязі. Падчас сустрэчы са сваімі падпісчыкамі журналісты падзяліліся планамі развіцця раённай газеты, расказалі аб калектыве рэдакцыі, выслухалі прапановы, заўвагі і пажаданні сваіх чытачоў. *** У сям’і Млёнік з в.Цецяроўка любяць чытаць раённую газету. Яе заўсёды чакаюць з нецярпеннем, каб даведацца пра апошнія навіны краіны, вобласці, раёна, прачытаць пра людзей, разгадаць красворд і г.д. Раней газету выпісвала і прыносіла дамоў маці, якая працавала паштальёнам у Пагранічным аддзяленні паштовай сувязі. Зараз яна ў водпуску па догляду дзіцяці. Афармленнем падпіскі на перыядычныя выданні займаецца старэйшы сын Аляксандр, студэнт 5 курса Гродзенскага дзяржаўнага ўніверсітэта імя Янкі Купалы. Якраз у Дзень падпісчыка Саша і прыйшоў у аддзяленне, каб падпісацца на “Бераставіцкую газету”. На здымку: паштальён Пагранічнага аддзялення паштовай сувязі Святлана Самойлік і Аляксандр Млёнік Зінаіда Самкова, фота аўтара *** [caption id="attachment_24049" align="alignleft" width="300"] Паштальён Валянціна Лакатун з Нінай Грынько[/caption] Валянціна Лакатун працуе паштальёнам Кватарскага аддзялення паштовай сувязі ўжо амаль 18 гадоў, участак, які яна абслугоўвае, налічвае 152 двары. Валянціна Іванаўна добра ведае, якія газеты і часопісы чытаюць жыхары яе ўчастка, і запэўніла нас, што “раёнка” ў іх карыстаецца найбольшай папулярнасцю. Гэта пацвердзілі і самі людзі, які прыйшлі на Дзень падпісчыка. У прыватнасці, Ніна Грынько з’яўляецца нашай пастаяннай падпісчыцай. Яна расказала, что любіць чытаць матэрыялы аб людзях са сваёй мясцовасці, як прыклад прывяла матэрыял аб апошняй жыхарцы Жілічаў Ніне Грышкевіч, якую ў Кватарах усе добра ведаюць. Яшчэ Ніне Пятроўне падабаюцца парады і цікавыя факты, якія публікуюцца ў канцы нумара. Таму яна без сумненняў аформіла падпіску на “Бераставіцкую газету” на другое паўгоддзе гэтага года. Ірына Міклаш, фота аўтара