Паважаныя работнікі культуры! Прыміце самыя цёплыя і шчырыя віншаванні  з прафесійным святам! Культура - гэта найважнейшая частка нашага жыцця. Яна адлюстроўвае ўсё самае лепшае, увасабляе запаветныя імкнення і жадання, дапамагае быць годнымі высокага звання чалавека.  Работнікі ўстаноў культуры, самадзейныя творчыя калектывы раёна прымаюць актыўны ўдзел у грамадскім жыцці. Пра гэта сведчаць творчыя і прафесійныя поспехі, перамогі на абласных, рэспубліканскіх, міжнародных конкурсах, фестывалях і выставах, шматлікія культурна-забаўляльныя мерапрыемствы для жыхароў Бераставіччыны.  Упэўнены, што работнікі культуры раёна будуць заўсёды працаваць з поўнай аддачай, дарыць людзям радасць зносін з выдатным. Жадаем усім творчых поспехаў, натхнення, ажыццяўлення самых смелых ідэй і праектаў. Добрага здароўя, шчасця, аптымізму і дабрабыту. Бераставіцкі раённы выканаўчы камітэт Бераставіцкі раённы Савет дэпутатаў