Агарод з’яўляецца жывой лабараторыей пад адкрытым небам.  Гэта сродак пазнання прыроды. Агарод патрэбен у дзіцячым садзе для таго, каб знаёміць дашкольнікаў з прыродай і яе сезоннымі зменамі. На тэрыторыі  ясляў-сада аг. Пагранічны створаны міні-агарод і кветнікі, якія выкарыстоўваюцца для экалагічнага і працоўнага выхавання дашкольнікаў. Выконваючы працоўныя даручэнні на агародзе  і клумбах, дзеці пераймаюць  вопыт падрыхтоўкі зямлі, насення, расады. Работа на агародзе - адна з магчымасцей замацаваць прадстаўленні дзяцей аб адрозненнях і назвах раслін. Дзеці старэйшага ўзросту знаёмяцца з будовай раслін, у прыватнасці, з карнявой сістэмай, а таксама з ўздзеяннем   умоў надвор’я на стан раслін і іх рост. Працуючы на агародзе з дашкольнікамі, выхавальнікі актыўна узаемадзейнічаюць з імі: разам уважліва разглядаюць расліны, адзначаюць іх   колер, памер, форму, а таксама   агульныя і  адметныя рысы.  Агарод у дзіцячым садзе - гэта яшчэ і магчымасць бачыць вынікі сваёй працы. Таму на нашым агародзе дзеці сумесна з выхавацелямі не толькі сеюць і саджаюць гародніну, але дапамагаюць узрыхляць зямлю, паліваць расліны, збіраць агародніну і  насенне кветак. Цікавай формай арганізацыі працы ў прыродзе з’яўляецца эксперымент. Ёсць нямала простых і адначасова   займальных спосабаў яго правядзення. Напрыклад, можна пасеяць фасолю. У адным радку, выкарыстоўваючы замочаныя фасоліны, а ў другім -  сухія. Затым разам з дзецьмі назіраць, у якім радку фасоля узыдзе хутчэй. І абавязкова дапамагчы зразумець дзецям, чаму так здарылася. Праца на зямлі карысная і для фізічнага развіцця дашкольнікаў, бо      знаходжанне на свежым паветры садзейнічае умацаванню нервовай сістэмы, прадугледжвае змену відаў дзейнасці, развівае рухальную актыўнасць. А яшчэ менавіта ў час працы на агародзе, у кветніках у дзяцей фарміруюцца адносіны да зямлі як да асноўнага  багацця краіны, тут закладваецца любоў   да працы. Марыя Кавальчук, намеснік загадчыка па асноўнай дзейнасці  ясляў-сада аг. Пагранічны