У пятніцу, 7 лютага, у Алекшыцкай сельскай бібліятэцы адбылося краязнаўчае падарожжа пад назвай “Маленькім беларусам пра вялікую Беларусь”. Мерапрыемства арганізавана ў рамках праграмы “Беларусь турыстычная”. Паколькі сёлета працягваецца Год малой радзімы, было вырашана пазнаёміць школьнікаў  з адметнымі мясцінамі Бераставіччыны.  Ім было прапанавана адказаць на пытанні віктарыны “Што вырабляюць нашы прадпрыемствы?”, адгадаць краязнаўчую крыжаванку, прачытаць вершы пра Беларусь і Вялікую Бераставіцу. Юныя чытачы пазнаёміліся з кніжнай выставай, прысвечанай Году малой радзімы, на якой прадстаўлены раздзелы: “Бераставіччына – цудоўная кветка вянка Беларусі” і “Турыстычныя маршруты Гродзенскай вобласці”. Падобныя мерапрыемствы краязнаўчага напрамку ставяць перад сабой мэту пашырыць веды дзяцей пра гістарычную спадчыну беларускага народа, выхаваць патрыятызм і пачуццё гонару за Радзіму, паважлівыя адносіны да яе. Вольга Барысевіч, загадчык філіяла “Алекшыцкая сельская бібліятэка”, бібліятэкар Зоя Хлебнікава