Актывісты раённай піянерскай арганізацыі, БРСМ, атрады валанцёрскага руху “Добрае сэрца” актыўна ўключыліся ў правя-дзенне рэспубліканскай акцыі “Цуды на Каляды”, якая праходзіць з 10 снежня па 6 студзеня. У ходзе акцыі маладыя людзі імкнуцца акружыць цеплынёй сваіх сэрцаў і клопатам людзей, якія патрабуюць асаблівай увагі ў час навагодніх і калядных свят. Цяпер ідзе збор навагодніх падарункаў для выхаванцаў дзіцячага сацыяльнага прытулку і дзяцей - інвалідаў, рыхтуюцца віншавальныя паштоўкі. Юнакі і дзяўчаты не пакінуць па-за ўвагай і адзінокіх састарэлых, ветэранаў, працуе піянер-скае “Бюро добрых паслуг”. Напярэдадні навагодніх і калядных свят будуць арганізаваны дабрачынныя канцэрты, адбудзецца перадача навагодніх падарункаў, у якіх абавязкова будзе прысутнічаць “Чырвоная рукавічка” – сімвал акцыі. Ірына МІКЛАШ