Да 1 лістапада ў СВК “Алекшыцы” закончылі ўборку кукурузы на зерне і на сілас, а таксама - цукровых буракоў. Руплівая праца апраўдалася, гэтыя запатрабаваныя культуры не падвялі. Ураджайнасць кукурузы на зерне – 111 цэнтнераў з гектара, салодкіх каранёў – 569. Сілас добрай якасці, нарыхтавана яго для патрэб жывёлагадоўлі дастаткова.
Буракі ўбіралі камбайнам “Вервайт”. Ён ужо далёка не новы, але яго добра даглядаюць, і тэхніка спраўна служыць вось ужо 8 гадоў. А пагрузчык нядаўна купілі нямецкі, таксама вельмі энергаэфектыўны.
Спецыялісты, механізатары, вадзіцелі разам стараліся, каб работы былі закончаны ў аптымальны тэрмін. Вялікі ўклад у здабыткі мясцовых земляробаў намесніка старшыні Андрэя Вабішчэвіча. Ён мае багаты вопыт, разбіраецца ў тонкасцях земляробства, стараецца арганізаваць вытворчасць так, каб эфектыўнасць яе з кожным годам павышалася, а сельгаскааператыў багацеў.
Цікава, што родам Андрэй Рыгоравіч са Столінскага раёна.
-- Як Вы ў нас апынуліся? – пацікавілася я.
-- Землякі з маёй роднай вёскі, якія тут працавалі, расказалі пра гэтую перспектыўную гаспадарку. Прыехаў, паглядзеў, мне таксама спадабалася. Нам з жонкай далі дом. Так і засталіся.
Поспехі ў аграрнай вытворчасці немагчымыя без пастаяннага клопату аб людзях. Гэта добра разумеюць старшыня сельгаскааператыва Валерый Паўлюкевіч і яго намеснік па ідэалагічнай рабоце Ганна Міхаленка. Яны імкнуцца, каб праблемы, якія сталі сапраўднымі спадарожнікамі нашага жыцця, вырашаліся канструктыўна, а людзям работа была ў ахвоту.
На здымку: намеснік старшыні СВК “Алекшыцы” Андрэй Вабішчэвіч, намеснік старшыні па ідэалагічнай рабоце Ганна Міхаленка з працаўнікамі на бураковым полі
Ніна Наддэ, фота аўтара
Да 1 лістапада ў СВК “Алекшыцы” закончылі ўборку кукурузы на зерне і на сілас, а таксама - цукровых буракоў. Руплівая праца апраўдалася, гэтыя запатрабаваныя культуры не падвялі. Ураджайнасць кукурузы на зерне – 111 цэнтнераў з гектара, салодкіх каранёў – 569. Сілас добрай якасці, нарыхтавана яго для патрэб жывёлагадоўлі дастаткова.