Прызыўная камісія раёна праводзіць мерапрыемствы чарговага прызыву ў рады Узброеных Сіл Рэспублікі Беларусь. Як паведаміў раённы ваенны камісар, падпалкоўнік С.У.Гішман, камісарыяту даведзена заданне правесці адбор, вывучэнне і накіраваць 17 прызыўнікоў для праходжання тэрміновай ваеннай службы і 3 – на службу ў рэзерве. Цяпер прызыўная камісія праводзіць медыцынскі агляд і вывучэнне прызыўнікоў, а іх прыцягнута да мерапрыемстваў гэтага прызыву 139 чалавек. Многія з прызыўнікоў маюць права на адтэрміноўку і не будуць прызваны гэтай восенню. Дарэчы, стан здароўя ў прызыўнікоў гэтага прызыву лепшы, чым у папярэдні прызыў. На дадзены момант ужо адабрана для прызыву на тэрміновую ваенную службу 27 чалавек і 4 – на службу ў рэзерве (150% ад плана). Адпраўка прызыўнікоў у войскі ў нашым раёне будзе ажыццяўляцца з 15 па 19 лістапада. Ірына МІКЛАШ