[caption id="attachment_20349" align="alignleft" width="300" caption="Аператары машыннага даення малочнатаварнай фермы “Шаляпкі” Валянціна Каспярчук і Галіна Хамяня"][/caption] –так гаворыць пра калектыў СВП “АграМір” дырэктар прадпрыемства Ніна Уладзіміраўна Лазавіцкая. Такога ж добрага меркавання пра свайго кампетэнтнага кіраўніка і камунікабельную прыемную жанчыну і працаўнікі. Пры  ўзаемапавазе і супрацоўніцтве можна чакаць выхаду аграрнай вытворчасці на новы ўзровень і значных поспехаў, павышэння дабрабыту людзей, чые рукі пахнуць хлебам і малаком. Праца іх [caption id="attachment_20350" align="alignleft" width="300" caption="Механізатар Андрэй Янучак"][/caption] нялёгкая, але менавіта ад іх залежыць, ці ўрадлівымі будуць нівы, ці папоўняцца малочныя рэкі, а значыць, будзе панаваць бадзёры настрой і ўпэўненасць у будучым. Людзям пашанцавала на кіраўніка, іх праблемы Ніна Уладзіміраўна [caption id="attachment_20351" align="alignleft" width="300" caption="Механізатар Станіслаў Патурынскі"][/caption] прымае да сэрца і вырашае з прафесіяналізмам, а ёй сапраўды яго не займаць. У гэтай чулай жанчыны дзве вышэйшыя адукацыі – яна закончыла Гродзенскі дзяржаўны аграрны ўніверсітэт і Беларускі аграрны тэхнічны ўніверсітэт.

Механізатары – па-ранейшаму моцнае звяно любой гаспадаркі. Я паглядзела, як стараецца на асеннім полі Андрэй Янучак. У 2000 годзе ён закончыў кузню нашых мясцовых кадраў для сельскай гаспадаркі – Бераставіцкі ліцэй, атрымаў там навыкі такой запатрабаванай прафесіі. Працаваў ён у той сонечны восеньскі дзень на дыскаванні глебы, стараўся. Тэхналогіі захоўваюцца, на поле люба глянуць. Новым трактарам МТЗ–30-22 малады чалавек задаволены. Тэхніка сучасная і камфортная.

[caption id="attachment_20352" align="alignleft" width="300" caption="Вагаўшчык Галіна Дудко і загадчык склада Іван Барташэвіч"][/caption] А яшчэ адзін прадстаўнік такой неабходнай любой гаспадарцы прафесіі – Станіслаў Патурын­­скі – працаваў у гэты час на  малочнатаварнай ферме “Шаляпкі”. У яго абавязкі ўваходзіць падвозка кармоў, ачыстка аб’екта. Яго трактар МТЗ–82 механізатара не падводзіць. Стаж работы гэтага [caption id="attachment_20353" align="alignleft" width="300" caption="Галоўны ветурач Сяргей Вілюноў з работнікамі новага малочнатаварнага комплекса"][/caption] чалавека пачаў свой адлік 20 гадоў таму. Станіслаў яшчэ і шматдзетны шчаслівы бацька, у яго пяцёра дзяцей. Два сыны яго стварылі дынастыю – адзін вучыцца, а другі закончыў Бераставіцкі ліцэй з чырвоным дыпломам. Таленавіты хлопчык Пеця ўмее прыгожа іграць на баяне, я чула сама шчырыя  апладысменты,  калі ён іграў на сцэне ліцэя. А зараз Пётр стаў студэнтам вышэйшай навучальнай установы і вучыцца ў Мінску.

І сапраўднай “изюминкой” у вытворчасці СВП “АграМір” стаў новы малочнатаварны комплекс, які нядаўна быў уведзены ў эксплуатацыю. Мне давялося пагутарыць з работнікамі. Людзі ў захапленні – умовы працы выдатныя!

Ніна НАДДЭ, фота аўтара

****