[caption id="attachment_14362" align="alignleft" width="300" caption="Галіна Мароз, Ганна Болзан, Вольга Гурчанка і Ірына Якімовіч"][/caption] Галоўная задача, якая стаіць зараз перад усімі аграрыямі краіны - нарошчванне аб’ёмаў вытворчасці сельскагаспадарчай прадукцыі за кошт павелічэння яе эфектыўнасці. РУСП “Масаляны” па большасці паказчыкаў з гэтай архіважнай задачай спраўляецца нядрэнна. Дастаткова нагадаць, што гаспадарка была прызнана сёлета, як, дарэчы, і ў мінулым годзе, пераможцай раённага спаборніцтва за дасягненне высокіх паказчыкаў на ўборцы ўраджаю збожжавых і зернебабовых. А ўсяго за дзевяць месяцаў тут вытворчасць сельгаспрадукцыі ў параўнанні з мінулым годам узрасла на 3,2 працэнта. Выручкі за гэты час атрымана больш за 33 мільярды рублёў і звыш 10 з паловай мільярдаў прыбытку. Пры гэтым рэнтабельнасць склала амаль 47 працэнтаў. Гаспадарыць эфектыўна, з улікам патрабаванняў сённяшняга дня ў сельгаспрадпрыемстве стараюцца на кожным з участкаў. Найбольшы прыбытак дае жывёлагадоўля. Так, валавы надой за 10 месяцаў склаў амаль 6300 тон, што на [caption id="attachment_14363" align="alignleft" width="300" caption="Аляксандр Максімік"][/caption] 3,6 працэнта вышэй мінулагодняга ўзроўню, а за два гады гэта лічба павялічылася больш чым на адну тысячу тон. Ад кожнай каровы за гэты перыяд надоена ў сярэднім па 6870 кілаграмаў малака, што таксама на 299 кілаграмаў перавышае мінулагодні паказчык. Чакаецца, што да канца года надой на карову складзе прыкладна 8100 кілаграмаў. Малака ў заліковай вазе рэалізавана амаль 5800 тон, прычым, 74,4 працэнта класам “Экстра”. У дасягненні такіх выдатных вынікаў вялікая заслуга ўсяго калектыву малочнатаварнага комплексу на 800 галоў. Але ў першую чаргу, як мне здаецца, аператараў машыннага даення. Усе яны тут вопытныя, добра ведаюць сваю справу і з вялікай адказнасцю адносяцца да яе. Сярод іх Валянціна Токарава і Валянціна Матук. Многа сіл і намаганняў прыкладваюць для павелічэння эфектыўнай дзейнасці гэтага буйнога жывёлагадоўчага аб’екта прадстаўнікі заатэхнічнай і ветэрынарнай службаў, а таксама тыя, хто дастаўляе і раздае кармы, хто абслугоўвае абсталяванне. А кіруе работай гэтага зладжанага калектыву Сяргей Жураўскі. Добрых вынікаў дабіліся жывёлаводы і ў мясным цэху. Вытворчасць мяса за 10 месяцаў дасягнула без малога 470 тон, што на 6,7 працэнта вышэй за мінулагодні [caption id="attachment_14364" align="alignleft" width="300" caption="Валянціна Токарава і Валянціна Матук"][/caption] ўзровень. Сярэднясутачная прывага кожнай галавы буйной рагатай жывёлы склала 778 грамаў. Дзяржаве за гэты перыяд рэалізавана 410 тон мяса. Галіна Мароз, Ганна Болзан і Ірына Якімовіч даглядаюць цялят у прафілакторыі з 15 дзён да трох месяцаў. Яны атрымалі за 10 месяцаў 915 грамаў сярэднясутачнай прывагі. І брыгадзір комплексу ў Масалянах па дарошчванні Вольга Гурчанка, і кіраўнікі гаспадаркі вельмі задаволены добрасумленнай працай гэтых жанчын. Яшчэ адзін з тых працаўнікоў, кім ганарацца ў сельгаспрадпрыемстве, - гэта механізатар Аляксандр Максімік. Ён яшчэ зусім нядаўна завяршыў сезон уборкі. Аляксандр убіраў кукурузу на зерне, намалот якой склаў больш за 1300 тон. А яшчэ на яго рахунку 1009 тон намалочанага збожжа падчас уборачнай кампаніі летам. [caption id="attachment_14365" align="alignleft" width="300" caption="Брыгадзір Сяргей Жураўскі і слесар Уладзімір Салыга"][/caption] Усім сваім працаўнікам кіраўнікі гаспадаркі адрасуюць з нагоды прафесійнага свята шчырыя словы ўдзячнасці за добрасумленную працу і жадаюць усяго самага найлепшага ў жыцці. Сяргей Хілюта, фота аўтара