Нядаўна на Бераставіччыне пабываў выкладчык Беларускага дзяржаўнага педуніверсітэта імя Максіма Танка, доктар гістарычных навук, прафесар Анатоль Тарасавіч Федарук. Навуковец прыязджаў па матэрыял для сваёй будучай гістарычнай кнігі пад назвай “Сядзібы і паркі Гарадзеншчыны”. Анатоль Тарасавіч, дарэчы, некалькі гадоў таму падрыхтаваў і выдаў вялікія, вельмі цікавыя работы “Сядзібы Берасцейшчыны” і “Сядзібы Міншчыны”, за якія атрымаў прэзідэнцкую прэмію “За духоўнае адраджэнне”. Падчас збору матэрыялаў мінскі гісторык сустрэўся з мясцовым краязнаўцам, метадыстам па захаванні гісторыка-культурнай спадчыны РМЦ НТ М.І.Пацэнкам. Адбыўся абмен гістарычнымі звесткамі і архіўнымі фотаздымкамі. Гісторыкі наведалі шэраг мясцін на Бераставіччыне, дзе ў тым ці іншым стане захаваліся рэшткі панскіх сядзіб і маёнткаў. Вынікі гэтай творчай, даследчай паездкі А.Т.Федарука—яго чарговую кнігу—як мяркуецца, можна чакаць ужо сёлета. Святлана Ганчарова