[caption id="attachment_18776" align="alignleft" width="300" caption="Андрэй і Юзэф Панасюкі"][/caption] [caption id="attachment_18777" align="alignleft" width="300" caption="Віктар Ляховіч і Андрэй Навумовіч "][/caption] За перыяд з пачатку ўборкі збожжавых і зернебабовых культур і па 5 жніўня ў раёне вызначаны пераможцы. Сярод экіпажаў, якія працуюць на камбайнах групы “Лексіён”, перамаглі старшы камбайнер Станіслаў Вярышка і камбайнер Антон Дабрэнка з СВК “Макараўцы”. Іх намалот склаў 1228 тон. У групе камбайнаў “Джон Дзір”, “Мега”, КЗС -1218 пераможцамі сталі Віктар Ляховіч і Андрэй Наву­мовіч таксама з СВК “Макараўцы”. Яны намалацілі 1143 тоны. Сярод камбайнераў, якія працуюць на камбайнах “Ліда – 1300” перамог экіпаж родных братоў Андрэя і Юзэфа Панасюкоў таксама з гэтай жа гаспадаркі. Імі намалочана 693 тоны. Уклад у жніўную скарбонку Бера­ставіччыны перадавых экіпажаў адзначаны Падзячнымі пісьмамі Бераставіцкага райвыканкама і райкама прафсаюза работнікаў АПК, а таксама каштоўнымі падарункамі. Шчыра віншуем! Уклад вадзіцеляў не менш важны За такі ж адрэзак часу і такімі ж узнагародамі, як і перадавыя камбайнеры, адзначаны ўклад вадзіцеля СВК “Макараўцы” Алега Дабрэнкі. На машыне МАЗ - 555 ён перавёз 1470 тон збожжа. Акрамя гэтага, як вадзіцель, які сярод першых сваіх калег у раёне адвёз першую тысячу тон, ён узнагароджаны таксама і Падзячным пісьмом упраўлення сельскай гаспадаркі і харчавання Бераставіцкага райвыканкама і райкама прафсаюза работнікаў АПК, а таксама грашовай прэміяй. У іншых гаспадарках “тысяч­нікамі” сталі Васіль Легашчоў з СВК імя Варанецкага, Сяргей Карпуць з СВК “Алекшыцы” (на машынах МАЗ) і Васіль Лабойка з СВК “Малабераставіцкі элітгас” (машына Урал). З працоўнай вас перамогай, шаноўныя! Ніна Наддэ, фота аўтара