[caption id="attachment_10523" align="alignleft" width="300" caption="Вольга Бялевіч, Іна Якімовіч і Ірына Сулаўка"][/caption]Жанчыны – гэта адметная і цудоўная палова чалавецтва. Яны натхняюць і берагуць мужчын, падтрымліваюць агеньчык дамашняга ачага, выхоўваюць дзяцей... Так было спрадвеку. А ў нашы дні па сваёй прафесійнай паспяховай самарэалізацыі яны зусім не адстаюць ад мужчын. Гэта яскрава бачна на прыкладзе Бераставіцкага масласырзавода. Тут працуюць 105 жанчын, іх больш, чым мужчын. Слава якаснай і смачнай айчыннай прадукцыі грыміць далёка за межамі краіны. У яе ёсць свой верны і пастаянны, выпрабаваны часам пакупнік, і нашы зямлячкі ўносяць свой важкі ўклад у прэстыж роднай Беларусі. А ў нас і ў святы, і ў будні бераставіцкія сыры і масла ўпрыгожваюць любы стол, без іх не можа абысціся ні адна гаспадыня. Яны заўсёды будуць карыстацца попытам, дапамагаць здароваму і натуральнаму харчаванню дарослых і дзяцей. [caption id="attachment_10524" align="alignleft" width="300" caption="Брыгада сырцэха"][/caption]На Бераставіцкім масласырзаводзе шчыра ўдзячны ветэранам працы – Марыі Сяргееўне Драгун, Леакадзіі Станіславаўне Бухмет, Галіне Паўлаўне Гардзейка, Таццяне Васільеўне Некала, Тэрэсе Станіславаўне Эйсмант, Марыі Уладзіміраўне Жалудок, Ганне Юльянаўне Грышкевіч. І сёння на Дошцы гонару завода нямала сумленных жанчын, якія працягваюць і прымнажаюць слаўныя традыцыі прадпрыемства. Гэта прасаўшчык сыру Ларыса Тупік, апаратчык пастэрызацыі Наталля Мініч, старшы майстар-тэхнолаг Таццяна Жлабовіч, юрысконсульт Святлана Заяц. Уражанне ад жанчын Бераставіцкага масласырзавода заўсёды застаецца самае лепшае – гэта самадастатковыя і паспяховыя нашы сучасніцы. Пасля значнай мадэрнізацыі, увядзення навейшых тэхналогій і, дзякуючы сучаснаму імпартнаму абсталяванню, праца на Бераставіцкам масласырзаводзе ўжо не такая цяжкая, як дзесяцігоддзі таму. На жанчын у беласнежных халатах прыемна паглядзець. І на вытворчасці яны ўмеюць заставацца прыгожымі. На маё пытанне, ці стамляюцца, ці цяжка ім, многія адказвалі так: “не вельмі”, “на іншым месцы сябе не бачу”. Усе яны зацікаўлены ў далейшым росквіце экспартаарыентаванай вытворчасці. Такія жанчыны ствараюць гонар нашай роднай Бераставіччыне. Дырэктар Бераставіцкага масласырзавода Іван Блашко: — Паважаныя дарагія працаўніцы! Прыміце шчырыя словы павагі і ўдзячнасці за вашу сумленную працу! Разам з вамі мы забяспечваем сучасную перапрацоўку сыравіны па новых тэхналогіях. Вы папаўняеце нашу агульную скарбонку! Кожнай з вас няхай спадарожнічаюць моцнае здароўе, добры настрой, радасць, шчасце і ўдача! Усім працаўніцам нізкі паклон, няхай расце дабрабыт вашых сем’яў! [caption id="attachment_10520" align="alignleft" width="300" caption="Ала Касьян"][/caption]Якасць сыравіны і прадукцыі на прадпрыемстве кантралююць лабаранты вытворчай лабараторыі Вольга Бялевіч, Іна Якімовіч і мікрабіёлаг Ірына Сулаўка. Апаратчык нанафільтрацыі сыроваткі Ала Касьян абслугоўвае сучасную ўстаноўку, якая за змену вырабляе 34 тоны канцэнтраванай сыроваткі. Брыгада сырцэха на чале з майстрам-сыраробам [caption id="attachment_10521" align="alignleft" width="300" caption="Светлана Заяц, Таццяна Жлабовіч, Наталля Савіцкая і Ганна Сулаўка"][/caption]Ліліяй Браткевіч выпускае за змену каля 5 тон сыроў. Сырароб па выспяванні сыру Таццяна Кажэўнікава мае вышэйшую адукацыю, але прысвяціла сябе працы, якая ёй падабаецца. Яе калега Людміла Пічкоўская таксама добра выконвае свае абавязкі. Машыніст вакуумна-ўпаковачнай машыны Алеся Вострыкава ўпакоўвае ў дзень тысячу галовак сыру. Добрыя словы хочацца таксама сказаць у адрас інжынера па якасці і стандартызацыі Ганны Сулаўка, старшага майстра-тэхнолага Таццяны [caption id="attachment_10522" align="alignleft" width="300" caption="Таццяна Кажэўнікава, Алеся Вострыкава і Людміла Пічкоўская"][/caption]Жлабовіч, загадчыцы склада Наталлі Савіцкай, юрысконсульта Святланы Заяц і многіх іншых выдатных працаўніц, пералічыць якіх немагчыма. Усім жанчынам Бераставіцкага масласырзавода моцнага здароўя, прыемнага настрою і новых поспехаў! На здымках: працаўніцы масласырзавода. Ніна Наддэ, фота аўтара