Апоўдні разнастайнасць прапанаваных гасцям і ўдзельнікам свята мерапрыемстваў папоўнілася адкрыццём ажно чатырох новых пляцовак: “Бераставіца музычная і гасцінная”, “Бераставіца дзіцячая: вясёлая і гульнёвая”, “Бераставіца крынічная” і “Бераставіца – сяляначка і працаўніца”. Апошняя з іх, што раскінулася на тэрыторыі Бераставіцкага сельскагаспадарчага прафесійнага ліцэя, і цяпер заманьвае бераставічан шматлікімі выставамі, гульнёва-забаўляльнай праграмай і майстар-класамі ад народных умельцаў нашага краю. А яшчэ?!  Збірайцеся хутчэй і, не марнуючы часу, адпраўляйцеся да гасцінных гаспадыні і гаспадара вялікага падворку, каб пачаставацца… смачнымі брэндавымі стравамі “Юшкай па-бераставіцку” і “Бераставіцкай грэчкай са скваркамі”.  Ну што, вырушаем разам насустрач “смачным прыгодам”?!  Вольга ЗАЕНЧКОЎСКАЯ, фота аўтара