Аб рэалізацыі Дзяржаўнай праграмы «Чыстая вада» на 2006-2010 гады». З мэтай забеспячэння насельніцтва якаснай пітной вадой, стварэння спрыяльных і бяспечных умоў пражывання была прынята Дзяржаўная праграма па водазабеспячэнні і водаадвя-дзенні «Чыстая вада» на 2006-2010 гады», зацверджаная Указам Прэзідэнта Рэспублікі Беларусь ад 10 красавіка 2006 года №208. Дадзенай праграмай зацверджаны пералік будаўніцтва вытворчых аб’ектаў водазабеспячэння і водаадвядзення, які прадугледжвае рацыянальнае выкарыстанне і ахову водных рэсурсаў. Адпаведная праграма прынята Гродзенскім абласным выканаўчым камітэтам, таксама распрацавана раённая праграма забеспячэння насельніцтва якаснай пітной вадой да 2010 года, зацверджаная рашэннем райвыканкама ад 8 ліпеня 2003 года №201. Мэта праграмы – распрацоўка і рэалізацыя комплексу ўзаемазвязаных заданняў, накіраваных на дасягненне бесперабойнага забеспячэння насельніцтва якаснай пітной вадой, падтрыманне спрыяльнага экалагічнага бяспечнага асяродку для жыхароў раёна, забеспячэнне рацыянальнага неспусташальнага водакарыстання ў інтарэсах эфектыўнага і ўстойлівага сацыяльна-эканамічнага развіцця. Аналізуючы выкананне раённай праграмы «Чыстая вада» на 2006-2010 гады», трэба ад-значыць, што для паляпшэння водазабеспячэння насельніцтва ў раёне пабудавана 3 артсвідравіны (в.М.Бераставіца, в.Стары Дворац, п.Пагранічны), 2 водаправоды (п.Пагранічны, г.п.В.Бераставіца па 160 м п.). У 2007 годзе адрамантавана воданапорная вежа ў в.М.Бераставіца з заменай каразіраванага днішча ёмістасці і паслядоўнай яго антыкаразійнай апрацоўкай, праведзены капітальны рамонт воданапорных вежаў у вёсках Кулі, Кватары. З боку РУП ЖКГ удзяляецца вялікая ўвага абароне крыніц пітнога водазабеспячэння ад забруджвання. Прадпрыемствам створана асобнае структурнае падраздзяленне з дыспетчарскай сувяззю па абслугоў-ванню водаправодных збудаванняў у сельскай мясцовасці. Своечасова ліквідуюцца аварыйныя сітуацыі. Наладжана прафілактычная прамыўка водаправодных сетак і ёмістых збудаванняў. Разам з тым адзначалася, што не ўсімі суб’ектамі гаспадарання выкананы мерапрыемствы па праграме «Чыстая вада» на 2006-2010 гады»: будаўніцтва станцыі абезжалезівання ў г.п.В.Бераставіца, новых артазіянскіх свідравін у в.Масаляны і г.п.В.Бераставіца, воданапорных вежаў у г.п.В.Бераставіца, тампанаж артсвідравін у вёсках М.Бераставіца, Алекшыцы і Пачобуты. Не выкананы мерапрыемствы па будаўніцтву, рэканструкцыі і капітальнаму рамонту ачышчальных збудаванняў у в.Масаляны (РУСП «Масаляны»), КНС в.Пархімаўцы, в.Паплаўцы, в.Макараўцы (СВК «Макараўцы»), асноўныя прагнозныя і мэтавыя паказчыкі развіцця сістэм водазабеспячэння і водаадвядзення на 2010 год: забеспячэнне насельніцтва раёна цэнтралізаваным водазабеспячэннем і каналізацыяй (-34%), знос інжынерных сетак водаправода і каналізацыі (+20%). Аб праблемах выкарыстання сывараткі філіялам ААТ «Малочны Мір» «Бераставіцкі масласырзавод». З пачатку жніўня вываз сывараткі на карты палей фільтрацыі старых ачышчальных збудаванняў гаспадарча-бытавых стокаў Бераставіцкага РУП ЖКГ спынены. Карты палей фільтрацыі апрацаваны 10% матачным растворам хлорнай вапны. Філіялам ААТ «Малочны Мір» «Бераставіцкі масласырзавод» па рэкамендацыі Гродзенскага абласнога камітэта сельскай гаспадаркі і харчавання заключаны дагавор з Гродзенскім дзяржаўным аграрным універсітэтам аб правядзенні навукова-вышукальных работ па прымяненні сывараткі на палях сева-звароту масласырзавода і СВП «АграМір». Для правядзення вопытаў выдзелена больш за 30 дзялянак. Па кожнай з іх вызначаны хімічны склад глебы. Папярэдне праведзена вапнаванне часткі тэрыторыі, дзе будуць праводзіцца вопыты. Кантроль за станам глебы ажыццяўляе штомесячна ўніверсітэт. Калі будзе выяўлена пагаршэнне яе аграхімічных паказчыкаў, то прымяненне сывараткі неадкладна спыніцца. Таксама Бераставіцкі масласырзавод па дамоўленасці прадае частку сывараткі двум сельскагаспадарчым прадпрыемствам Ваўкавыскага раёна. Падрыхтавала Зінаіда Самкова