На адным дыханні працуюць зараз людзі на жніве, імкнуцца выкарыстаць спрыяльнае добрае надвор’е. Каб дастойна адзначыць уклад кожнага аграрыя, хто зараз, не зважаючы на час і стомленасць, шчыруе на залатой спелай ніве, прынята пастанова Бераставіцкага раённага камітэта Беларускага прафесійнага саюза работнікаў аграпрамысловага комплексу і зацверджана палажэнне аб арганізацыі раённага спаборніцтва. Распрацаваны меры матэрыяльнага стымулявання лепшых працаўнікоў. Абкам і райкам прафсаюза ўзнагароджваюць перадавікоў жніва-2013 Па­дзячнымі пісьмамі і прэміямі. На гэтым тыдні былі вызначаны і ўзнагароджаны тыя, хто паказаў выдатныя вынікі. З рук старшыні Гродзенскага абкама прафсаюза работнікаў АПК Івана Алізаровіча атрымалі Падзячныя пісьмы і грашовыя прэміі першыя “тысячнікі” на ўборцы збожжавых і зернебабовых культур – экіпажы Ста­ні­слава Вя­рышкі, Антона Дабрэнкі і Віктара Ляховіча, Андрэя Навумовіча з СВК “Макараўцы”. Іх шчыра павін­ша­валі з такім удалым і важкім пачаткам жніва. А Падзячным пісьмом упраў­лення сельскай гаспадаркі і хар­­ч­авання Бе­ра­­ставіцкага рай­­выканкама і райкама прафсаюза адзначаны значны ўклад тых камбайнераў, якія ў сваёй групе камбайнаў другімі, трэцімі, чацвёртымі, пятымі ў раёне ўзялі такі сур’ёзны рубеж. Гэта Уладзіслаў і Андрэй Капіцы з СВК “Макараўцы”, Андрэй Аўтух і яго сын Віталій, а таксама Сцяпан Талочка і Генрых Кісель з СВК імя Варанецкага, Валерый Карытка (працуе адзін) з СВК “Алекшыцы”, Віктар Прэдка і Іосіф Раплевіч з СВК “Макараўцы”, Ян Стацкевіч і Станіслаў Сямашка з СВК імя Варанецкага. І гэта далёка не ўвесь “залаты спіс” нашых пе­раможцаў. Падзячнымі пісьмамі ўпраўлення сельскай гаспадаркі і харчавання, райкама прафсаюза работнікаў АПК і грашовай прэміяй Гродзенскага абласнога аддзялення Беларускага прафсаюза работнікаў прамысловасці ўзнагароджаны экіпажы Антона Іядкоўскага з сынам Станіславам з СВК імя Варанецкага, Аляксандра Кухарчыка і Яўгена Міхайлоўскага з СВК “Це­цяроўка”. Сын Аляксандра Дзмітрый таксама шчыруе на жніве і паказвае сябе з самага лепшага боку ў спаборніцтве сярод маладых. Прыемна адзначыць, што працоўныя поспехі Аляксандра адзначылі і ў гаспадарцы каштоўным падарункам. А ўручала яго загадчык участка № 1 з 12 – гадовым стажам работы Ганна Гаўрылюк. У ліку пераможцаў і трактарыст з СВК “Цецяроўка” Сяргей Шэўчык. На сваім трактары МТЗ-1221 ён першым у гаспадарцы перавёз больш за тысячу тон збожжа. Яго значны ўклад у ход уборкі ўраджаю адзначаны Падзячным пісьмом упраўлення сельскай гаспадаркі райвыканкама, райкама прафсаюза работнікаў АПК і прэміяй. Ніна Наддэ, фота аўтара На здымку: Яўген Міхайлоўскі, Аляксандр Кухарчык і Ганна Гаўрылюк