У Беларусі налічваецца 619 парафій рымска-каталіцкага Касцёла, аб’яднаных у 4 дыяцэзіі: Мінска-Магілёўская, Пінская, Гродзенская і Віцебская. Да іх адносяцца   амаль паўтара мільёна вернікаў каталіцкага веравызнання. У склад Гродзенскай дыяцэзіі ўваходзіць 16 дэканатаў з агульнай колькасцю католікаў амаль 600 тысяч чалавек. Бераставіцкі дэканат аб’ядноўвае 6 парафій: - г.п.В.Бераставіца – Перамянення Пана; - в.Вялікія Эйсманты – імя Найсвяцейшай Панны Марыі і святога Яна Непамука; - в. Заневічы – Найсвяцейшага Сэрца Пана Езуса і святога Ясафата Мучаніка; - в.Макараўцы – Узвышэння Святога Крыжа; - в.Малая Бераставіца – Святога Антонія з Падуі; - г.Свіслач – святога Францішка з Асыжу. Агульная колькасць вернікаў Бераставіцкага дэканата складае амаль 7 тысяч чалавек. Дэканам з’яўляецца настаяцель касцёла Перамянення Пана г.п.Вялікая Бераставіца айцец Вальдэмар Слота.