Паважаныя жыхары Бераставіччыны! Нягледзячы на абмежавальныя мерапрыемствы, вы маеце магчымасць далучыцца да святкавання 75-годдзя Вялікай Перамогі. Работнікі культуры раёна аб'ядналіся, каб падрыхтаваць святочны онлайн-канцэрт «Лікуй, пераможная вясна!».
Не выходзячы з дому, можна паглядзець выступленні артыстаў і калектываў Бераставіччыны, якія запісалі на відэа вакальныя і інструментальныя нумары. У праграме – папулярныя ваенныя і патрыятычныя песні, якія сталі неад’емнай часткай святочных урачыстасцей.
Онлайн-канцэрт «Лікуй, пераможная вясна!» – гэта даніна памяці і павагі ўсім, хто падарыў нам мір і свабоду, унёс свой уклад у набліжэнне Вялікай Перамогі. Удзельнікі канцэрта, гледзячы ў аб'ектыў камеры, пастараліся данесці свае эмоцыі і суперажыванні да гледачоў.
Святлана Ганчарова, фота аўтара
https://www.youtube.com/watch?v=vKfpwatRXsk&feature=youtu.be
https://www.youtube.com/watch?v=5LE9l6kXbOY&feature=youtu.be
