Святочныя мерапрыемствы да Дня Незалежнасці Рэспублікі Беларусь на Бераставіччыне пачаліся з усебеларускай малітвы «За Беларусь», якая прайшла ў рамках ранішніх богаслужэнняў у храмах Бераставіцкага раёна.
![](https://sp-ao.shortpixel.ai/client/to_auto,q_lossless,ret_img,w_1024,h_683/https://www.beresta.by/wp-content/uploads/2021/07/IMG_1561.jpg)
А затым прадстаўнікі раённай улады, працоўных калектываў і грамадскіх арганізацый, а таксама моладзь, жыхары і госці Вялікай Бераставіцы прынялі ўдзел ва ўрачыстым мітынгу “Паклон табе, мой беларускі край!”, які адбыўся ля помніка воіну-вызваліцелю на Ратушнай плошчы.
Ганаровае права падняць Дзяржаўны сцяг Рэспублікі Беларусь было прадастаўлена лепшым па прафесіі – настаўніку музыкі Страдварэцкага ясляў-сада-базавай школы Марыне Высоцкай і электрамеханіку Бераставіцкага участка электрасувязі Андрэю Дарашкевічу.
![](https://sp-ao.shortpixel.ai/client/to_auto,q_lossless,ret_img,w_1024,h_683/https://www.beresta.by/wp-content/uploads/2021/07/IMG_1297.jpg)
Са словамі віншаванняў з Днём Незалежнасці да ўдзельнікаў мітынгу звярнуўся старшыня Бераставіцкага райвыканкама Антон Кулісевіч.
— Сёння наша краіна адзначае галоўнае свята дзяржавы, — адзначыў Антон Станіслававіч, — у гэты дзень мы звяртаемся да гістарычнай памяці і аддаем даніну глыбокай павагі ветэранам Вялікай Айчыннай вайны за мужнасць і гераізм, а таксама выказваем словы ўдзячнасці за сумленную працу землякам у пасляваенны час. Мы разам пабудавалі суверэную дзяржаву і нясём адказнасць за яе будучыню.
![](https://sp-ao.shortpixel.ai/client/to_auto,q_lossless,ret_img,w_1024,h_616/https://www.beresta.by/wp-content/uploads/2021/07/IMG_1319.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_607/https://www.beresta.by/wp-content/uploads/2021/07/IMG_1284.jpg)
Ад імя раённага выканаўчага камітэта і раённага Савета дэпутатаў Антон Кулісевіч выказаў землякам пажаданні моцнага здароўя, радасці, аптымізму, сонечнага настрою, спакою і дабрабыту ў кожным доме і мірнага неба над нашай Бацькаўшчынай.
У памяць аб тых, хто змагаўся за наша мірнае жыццё і нашу незалежнаць, прагрымелі залпы святочнага салюту, а ўдзельнікі мітынгу ўшанавалі загінуўшых на франтах Вялікай Айчыннай вайны хвілінай маўчання.
![](https://sp-ao.shortpixel.ai/client/to_auto,q_lossless,ret_img,w_1024,h_643/https://www.beresta.by/wp-content/uploads/2021/07/IMG_1321.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_662/https://www.beresta.by/wp-content/uploads/2021/07/IMG_1307.jpg)
Да ўдзельнікаў мітынгу звярнулася таксама дырэктар Масалянскага ясляў-сада-пачатковай школы Галіна Козел, якая заклікала ўсіх у Год народнага адзінства пакінуць спрэчкі і разнагалоссі, каб зберагчы незалежнасць сваёй краіны.
![](https://sp-ao.shortpixel.ai/client/to_auto,q_lossless,ret_img,w_1024,h_646/https://www.beresta.by/wp-content/uploads/2021/07/IMG_1326.jpg)
Затым прадстаўнікі арганізацый,устаноў і прадпрыемстваў раёна ўсклалі кветкі да помніка Воіну-вызваліцелю і Вечнага агню, аддаўшы даніну памяці загінулым у гады Вялікай Айчыннай вайны.
Па добрай традыцыі на святочным мітынгу ў Дзень Незалежнасці Рэспублікі Беларусь на Бераставіччыне адбываецца ўшанаванне землякоў, лепшых па прафесіі людзей.
За асаблівыя заслугі ў сацыяльна-эканамічным развіцці і актыўную грамадскую дзейнасць Антон Кулісевіч уручыў пасведчанне і нагрудны знак «Ганаровы грамадзянін Бераставіцкага раёна» Івану Захарчуку.
![](https://sp-ao.shortpixel.ai/client/to_auto,q_lossless,ret_img,w_1024,h_650/https://www.beresta.by/wp-content/uploads/2021/07/IMG_1357.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_683/https://www.beresta.by/wp-content/uploads/2021/07/IMG_1414.jpg)
Сертыфікат аб занясенні на Дошку гонару Гродзенскай вобласці атрымаў дырэктару РСУП «Алекшыцы» Валерый Паўлюкевіч, «Чалавек года Гродненшчыны» па выніках 2020 года.
![](https://sp-ao.shortpixel.ai/client/to_auto,q_lossless,ret_img,w_1024,h_683/https://www.beresta.by/wp-content/uploads/2021/07/IMG_1360.jpg)
Сертыфікаты аб занясенні на раённую Дошку гонару былі ўручаны таксама шэрагу лепшых працаўнікоў устаноў, арганізацый і прадпрыемстваў Бераставіцкага раёна.
Завяршыўся ўрачысты мітынг прыгожай музычна-харэаграфічнай кампазіцыяй у выкананні бераставіцкіх артыстаў, праз якую яны выказалі шчырае пачуццё любові да Радзімы, якое аб’ядноўвае ўсіх беларусаў.
Ірына МІКЛАШ, фота аўтара
Відэа Віктара Фрыдэля