![](https://sp-ao.shortpixel.ai/client/to_auto,q_lossless,ret_img,w_911,h_683/https://www.beresta.by/wp-content/uploads/2022/08/photo_2022-08-06_13-11-50-1.jpg)
Фестываль праходзіў 6 жніўня ў г. Смаргонь.
Фестываль «Скарбы Гродзеншчыны» праводзіцца раз у два гады і знаёміць з рэгіянальнымі асаблівасцямі традыцыйнай культуры Панямоння. Падчас свята адбываецца прэзентацыя элементаў нематэрыяльнай культурнай спадчыны рэгіёнаў вобласці – аўтэнтычных і рэканструяваных абрадаў, народных строяў, страў, рамёстваў і промыслаў, фальклорнай песеннай творчасці.
![](https://sp-ao.shortpixel.ai/client/to_auto,q_lossless,ret_img,w_1024,h_683/https://www.beresta.by/wp-content/uploads/2022/08/366ca5ff04214793b9d58461d0148201-1.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_683/https://www.beresta.by/wp-content/uploads/2022/08/r3dm1f5aqee8cwh4l15agjqvuxhpmpkg.jpg)
![](https://sp-ao.shortpixel.ai/client/to_auto,q_lossless,ret_img,w_925,h_683/https://www.beresta.by/wp-content/uploads/2022/08/izobrazhenie_viber_2022-08-08_09-36-41-735-1.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_650/https://www.beresta.by/wp-content/uploads/2022/08/izobrazhenie_viber_2022-08-09_19-13-36-716.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_576/https://www.beresta.by/wp-content/uploads/2022/08/izobrazhenie_viber_2022-08-09_19-13-40-483.jpg)
Мінулы фэст праходзіў на гасціннай Свіслацкай зямлі, сёлета свята прымала Смаргоншчына.
Пасля традыцыйнага святочнага шэсця майстроў і носьбітаў народнай культуры з усёй вобласці з прывітальным словам да ўдзельнікаў фестывалю звярнуліся намеснік старшыні Смаргонскага райвыканкама Ігар Шчасны і намеснік начальніка ўпраўлення культуры Гродзенскага аблвыканкама Сняжана Куратчык.
![](https://sp-ao.shortpixel.ai/client/to_auto,q_lossless,ret_img,w_911,h_683/https://www.beresta.by/wp-content/uploads/2022/08/photo_2022-08-06_13-11-50-2-1.jpg)
Урачысты момант свята – перадача фестывальнага поясу, сатканага ткачыхамі Лідскага, Астравецкага, Гродзенскага і Свіслацкага раёнаў, які служыць абярэгам і прыносіць дабрабыт і поспех. Смаргонская частка поясу будзе саткана і перададзена новым гаспадарам фестывалю праз два гады.
У межах “Скарбаў Гродзеншчыны” адбываецца шэраг конкурсаў – на лепшы падворак традыцыйнай культуры, лепшую прэзентацыю падворкаў і традыцыйных страў, лепшую калекцыю работ традыцыйных рамёстваў і майстар-клас, лепшую рэпліку народнага строя і лепшыя фальклорныя калектывы (дарослы і дзіцячы).
![](https://sp-ao.shortpixel.ai/client/to_auto,q_lossless,ret_img,w_911,h_683/https://www.beresta.by/wp-content/uploads/2022/08/photo_2022-08-06_13-11-54.jpg)
![](https://sp-ao.shortpixel.ai/client/to_auto,q_lossless,ret_img,w_911,h_683/https://www.beresta.by/wp-content/uploads/2022/08/photo_2022-08-06_13-11-53.jpg)
На бераставіцкім падворку можна было пазнаёміцца з аўтэнтычнымі ўзорамі народных рамёстваў. Дзейнічала выстава мясцовых традыцыйных страў і дэкаратыўных вырабаў, праходзілі майстар-класы. Бераставіцкія прадстаўнікі прадэманстравалі адноўлены традыцыйны строй. У конкурсе фальклорнага мастацтва выступілі ўдзельнікі фальклорнага калектыву “Вясёлая бяседачка” філіяла па культурна-дасугавай дзейнасці аг. Алекшыцы.
Па выніках конкурсаў аддзел рамёстваў і традыцыйнай культуры Бераставіцкага раённага цэнтра культуры і народнай творчасці ўзнагароджаны дыпломам ІІІ ступені ў намінацыі «Лепшая рэпліка народнага строя». Фальклорны калектыў “Вясёлая бяседачка” адзначаны дыпломам за ўдзел у фестывалі.
![](https://sp-ao.shortpixel.ai/client/to_auto,q_lossless,ret_img,w_485,h_683/https://www.beresta.by/wp-content/uploads/2022/08/photo_2022-08-06_19-59-14.jpg)
![](https://sp-ao.shortpixel.ai/client/to_auto,q_lossless,ret_img,w_492,h_683/https://www.beresta.by/wp-content/uploads/2022/08/photo_2022-08-06_19-59-36.jpg)
![](https://sp-ao.shortpixel.ai/client/to_auto,q_lossless,ret_img,w_866,h_683/https://www.beresta.by/wp-content/uploads/2022/08/photo_2022-08-06_18-11-55.jpg)
Святлана Ганчарова