Чарговае пасяджэнне ўдзельнікаў аматарскага аб’яднання “Ладачкі” Масалянскай інтэграванай сельскай бібліятэкі было прымеркавана да Дня маці – светлага і душэўнага свята.
Падчас сустрэчы панавала атмасфера асаблівай цеплыні, дабрыні і пяшчоты. Жанчыны атрымалі святочныя паштоўкі з віншаваннямі.
На вечары гучала шмат вершаў, песень пра матуль. З юнацкім запалам члены аматарскага аб’яднання прынялі ўдзел у конкурсах, складалі прыказкі, жартавалі і весяліліся.
Увазе гасцей мерапрыемства была прапанавана тэматычная кніжная выстава літаратуры пра жанчыну-маці.
Ірына Канеўская, бібліятэкар Масалянскай інтэграванай сельскай бібліятэкі
Фото аўтара
