У нядзелю, 6 лютага, у філіяле па культурна- дасугавай дзейнасці аг. Макараўцы адбылося чарговае пасяджэнне аматарскага аб’яднання “Талака”.
![](https://sp-ao.shortpixel.ai/client/to_auto,q_lossless,ret_img,w_1024,h_677/https://www.beresta.by/wp-content/uploads/2022/02/izobrazhenie_viber_2022-02-06_17-38-33-783_novyj-razmer.jpg)
Тэма вячорак – кулінарная. Назва яе “Замарочкі з бочкі” гаворыць сама за сябе. Удзельніцы аматарскага аб’яднання ўзгадалі найбольш папулярныя рэцэпты нацыянальнай кухні і прадэгуставалі прыгатаваныя ўласнаручна стравы.
Госці філіяла актыўна ўдзельнічалі ў гульнях і конкурсах “Кідалаўка”, “Панарошкавая каша”, “Адгадай навобмацак крупу” і іншых.
![](https://sp-ao.shortpixel.ai/client/to_auto,q_lossless,ret_img,w_1024,h_677/https://www.beresta.by/wp-content/uploads/2022/02/izobrazhenie_viber_2022-02-06_17-38-41-919_novyj-razmer.jpg)
![](https://sp-ao.shortpixel.ai/client/to_auto,q_lossless,ret_img,w_909,h_682/https://www.beresta.by/wp-content/uploads/2022/02/izobrazhenie_viber_2022-02-06_17-38-41-792_novyj-razmer.jpg)
Жанчыны з задавальненнем адказвалі на пытанні віктарыны “Рэцэпты” і за кубачкам гарачай гарбаты абмяркоўвалі асаблівасці прыгатавання беларускіх страў у іх сем’ях. Песні пад баян падарылі ўдзельніцам аматарскага аб’яднання “Талака” зарад бадзёрасці і добры настрой.
Зоя Хлебнікава, культарганізатар філіяла па культурна-дасугавай дзейнасці аг. Макараўцы