У Старадварэцкай бібліятэцы адбыўся конкурс малюнкаў, прысвечаны Дню маці.
Мама, мамачка, матуля… Яна першай сустракае сваё дзіця пры яго з’яўленні на свет. Песціць, калыхае і ахвяруе яму ўсім. Мама – самае першае слова дзіцяці і самае дарагое. Што можа дзіця даць узамен? Чым аддзякаваць? Сваёй любоўю і тым, што здолее зрабіць сваімі рукамі. Таму, да Дня маці юныя чытачы Старадварэцкай сельскай бібліятэкі прынялі ўдзел у конкурсе малюнкаў і з любоўю і натхненнем намалявалі сваіх матуль. Бібліятэкар разам з пачаткоўцамі і класным кіраўніком мясцовай школы вызначылі лепшыя работы канкурсантаў. Усе ўдзельнікі атрымалі салодкія прызы.
Людміла Багдановіч, бібліятэкар Старадварэцкай сельскай бібліятэкі
