На сцэне летняга амфітэатра з канцэртнай праграмай “Глыток лета” выступіў поп-фолк-гурт “Гулянка”. Высокапрафесійнае і пранікнёнае выступленне вакалістаў пакінула ў бераставічан яркія незабыўныя ўражанні.
Нікога не пакінула абыякавым і выступленне фолк-шоу “Забабоны” з горада Мінска. Артысты пакарылі гледачоў літаральна з першай песні! Вяселыя народныя песні і танцы сталі сапраўдным упрыгожаннем свята.
Прыйшліся па душы бераставічанам і гасцям пасёлка музычныя віншаванні беларускай спявачкі з Гродна Аліны Чыжык.
Канцэртная праграма працягнецца дыска-праграмай кавер-гурта “Hit Hunter” і гурта “Сандалі”, шоу агню і свету калектыву “Bazinga” з горада Гродна і святочнай дыскатэкай.
Ганна ПУГАЧЭЎСКАЯ, фота аўтара
