У рамках Тыдня роднай мовы ў Бераставіцкай раённай бібліятэцы імя В. М. Кавалеўскага прайшло літаратурнае паведамленне “Да роднай мовы крок зрабі!”.
![](https://sp-ao.shortpixel.ai/client/to_auto,q_lossless,ret_img,w_944,h_628/https://www.beresta.by/wp-content/uploads/2023/02/20230221_144000.jpg)
На мерапрыемства запрасілі вучняў 8-га класа Вялікабераставіцкай сярэдняй школы. Бібліятэкар Данута Лагада пазнаёміла школьнікаў з гісторыяй заснавання знамянальнай міжнароднай даты і з некаторымі цікавымі фактамі пра мовы розных краін свету.
![](https://sp-ao.shortpixel.ai/client/to_auto,q_lossless,ret_img,w_1017,h_628/https://www.beresta.by/wp-content/uploads/2023/02/20230221_144126.jpg)
Вучням прапанавалі праверыць свой узровень валодання роднай мовай. Яны перакладалі словы з рускай мовы на беларускую, падбіралі эпітэты да словазлучэння “беларуская мова”, чыталі вершы і ўрыўкі з празаічных твораў беларускіх пісьменнікаў.
![](https://sp-ao.shortpixel.ai/client/to_auto,q_lossless,ret_img,w_1024,h_576/https://www.beresta.by/wp-content/uploads/2023/02/20230221_144240.jpg)
![](https://sp-ao.shortpixel.ai/client/to_auto,q_lossless,ret_img,w_990,h_628/https://www.beresta.by/wp-content/uploads/2023/02/20230221_145711.jpg)
![](https://sp-ao.shortpixel.ai/client/to_auto,q_lossless,ret_img,w_819,h_628/https://www.beresta.by/wp-content/uploads/2023/02/20230221_144953.jpg)
Данута Здзіславаўна заклікала юных чытачоў любіць сваю мову, вывучаць яе і шанаваць, таму што мова – душа народа, векавая памяць многіх пакаленняў, галоўны нацыянальны скарб беларусаў. Нашы продкі нямала зрабілі дзеля таго, каб беларуская мова стала роўнай сярод іншых моў свету.
Любіце, ведайце і шануйце мову свайго народа, умейце дасканала валодаць ёю!
Валянціна ЧЫКУН, загадчык аддзела інфармацыі і абслугоўвання дарослага і дзіцячага чытача Бераставіцкай раённай бібліятэкі. Фота прадастаўлена райбібліятэкай