У суботу, 1 красавіка, адбыўся рэгіянальны фестываль-кірмаш вырабаў рамеснікаў «Гродзенскія традыцыі да свята Вялікадня». Удзел у велікодным мерапрыемстве прынялі работнікі аддзела рамёстваў і традыцыйнай культуры Бераставіцкага раённага цэнтра культуры і народнай творчасці.
![](https://sp-ao.shortpixel.ai/client/to_auto,q_lossless,ret_img,w_997,h_748/https://www.beresta.by/wp-content/uploads/2023/04/3.jpg)
Велікодны фестываль-кірмаш праводзіўся ў горадзе Гродна ўжо ў восьмы раз. Мерапрыемства, якое традыцыйна праводзіцца напярэдадні каталіцкай Вербніцы, карыстаецца попытам у насельніцтва. Людзі цікавяцца народнымі рамёствамі і промысламі, з задавальненнем удзельнічаюць у майстар-класах, набываюць велікодныя сувеніры ручной работы.
Майстры Бераставіцкага Дома рамёстваў прывезлі на фестываль-кірмаш вербачкі, упрыгожаныя саломкай, пісанкі, вышыванкі ў выглядзе велікодных яек, тэматычныя выцінанкі, кошыкі, цацкі, керамічныя вырабы і многае іншае. Бераставіцкая тэматычная выстава атрымала станоўчы водгук у наведвальнікаў.
![](https://sp-ao.shortpixel.ai/client/to_auto,q_lossless,ret_img,w_1024,h_576/https://www.beresta.by/wp-content/uploads/2023/04/2-1024x576.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_629/https://www.beresta.by/wp-content/uploads/2023/04/4-1024x629.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_576/https://www.beresta.by/wp-content/uploads/2023/04/unnamed-file-1024x576.jpg)
![](https://sp-ao.shortpixel.ai/client/to_auto,q_lossless,ret_img,w_1024,h_576/https://www.beresta.by/wp-content/uploads/2023/04/photo_2023-04-01_15-37-19-3-1024x576.jpg)
![](https://sp-ao.shortpixel.ai/client/to_auto,q_lossless,ret_img,w_997,h_720/https://www.beresta.by/wp-content/uploads/2023/04/photo_2023-04-01_15-37-19-5.jpg)
На фестывалі-кірмашы адбылося ўзнагароджанне пераможцаў абласной выставы-конкурсу дэкаратыўна-прыкладнога мастацтва “Велікодны падарунак”.
Загадчык аддзела рамёстваў і традыцыйнай культуры Бераставіцкага раённага цэнтра культуры і народнай творчасці Тамара Касьян атрымала Дыплом III ступені ў намінацыі “Лепшыя традыцыйныя вербы”.
За шматгадовую працу па адраджэнні, зберажэнні і папулярызацыі рэгіянальнай народнай культуры і ўдзел у абласной выставе творчасці народных майстроў Гродзеншчыны «Народных традыцый выток» Падзячнымі лістамі Гродзенскага абласнога метадычнага цэнтра народнай творчасці адзначаны носьбіты і захавальнікі рамесных традыцый Бераставіччыны, народныя майстры ткацтва Марыя Кажанеўская і Алена Барцэвіч.
Святлана ГАНЧАРОВА
Фото предоставлено отделом ремёсел и традиционной культуры