![](https://sp-ao.shortpixel.ai/client/to_auto,q_lossless,ret_img,w_1008,h_670/https://www.beresta.by/wp-content/uploads/2020/10/IMG_8567.jpg)
Чэлендж #ГоднаеРоднае праходзіць на Гродзеншчыне. Незвычайным, крэатыўным і нестандартным спосабам ўдзельнікі флэшмобу дэманструюць важнасць семантыкі беларускай дзяржаўнай сімволікі і бязмежную любоў да Радзімы. У Бераставіцкім раёне да чэленджа далучыліся ўстановы культуры.
Арганізатары мерапрыемства – упраўленне культуры Гродзенскага аблвыканкама – запрашаюць усіх жадаючых далучыцца да праекту. Па словах галоўнага спецыяліста ўпраўлення культуры аблвыканкама Ірыны Жук-Куніцкай, спосабы ўвасаблення ідэі могуць быць самыя розныя – відэаролік, верш, творчы выраб ці канцэртны нумар, фотаздымак і гэдак далей. Крэатыў і разнастайнасць вітаюцца. Галоўнае, данесці свае адносіны да дзяржаўнага сцяга ў кантэксце яго палітры і перадаць любоў да роднага краю. Кожны грамадзянін павінен даражыць нацыянальнымі сімваламі дзяржавы, у якой жыве, ведаць іх семантыку. Калі чалавек разумее значэнне кожнага элемента і колеравай гамы дзяржаўных герба і сцяга, тады ён будзе больш асэнсавана іх успрымаць і ганарыцца гэтымі сімваламі, разумець, наколькі яны блізкія яго сэрцу, — кажа Ірына Жук-Куніцкая
.
![](https://sp-ao.shortpixel.ai/client/to_auto,q_lossless,ret_img,w_744,h_1024/https://www.beresta.by/wp-content/uploads/2020/10/9eac09e93deb21c2a76f2134d9e69089.jpg)
Да абласнога чэленджа #ГоднаеРоднае далучыліся ў Бераставіцкай дзіцячай школе мастацтваў. У адзін з дзён дзяўчаты-валанцёры віталі вучняў малодшых класаў у фае школы, каб уручыць ім паштоўкі “Люблю Беларусь”, зробленыя па эскізах настаўнікаў мастацкага аддзялення школы, а таксама маленькія календарыкі з выявамі знакамітых мясцін нашай роднай краіны.
![](https://sp-ao.shortpixel.ai/client/to_auto,q_lossless,ret_img,w_778,h_546/https://www.beresta.by/wp-content/uploads/2020/10/IMG_8560.jpg)
Пранікнёныя відэаролікі стварылі ў музеі Вавёркі і філіяле “Дзіцячая бібліятэка” Бераставіцкай раённай бібліятэкі імя В. М. Кавалеўскага. Ад Бераставіцкага раённага цэнтра культуры і народнай творчасці ў чэленджы ўдзельнічаюць фотаздымкі з канцэрта “За любімую Беларусь” у аграгарадку Масаляны, ад філіяла па культурна-дасугавай дзейнасці аг. Стары Дворац – фотаздымак, адлюстроўваючы колеравае спалучэнне дзяржаўнага сцяга і нацыянальнага беларускага касцюма.
Паглядзець на крэатыўныя работы і пазнаёміцца з удзельнікамі чэленджу можна па хэштэгу #ГоднаеРоднае ў сацыяльных сетках і на YouTube.
Святлана Ганчарова
![](https://sp-ao.shortpixel.ai/client/to_auto,q_lossless,ret_img,w_965,h_675/https://www.beresta.by/wp-content/uploads/2020/10/роднае-годнае.jpg)
На здымку: чытачка дзіцячай бібліятэкі, вучаніца Вялікабераставіцкай СШ Анастасія Свякло чытае верш Эдзі Агняцвет “Зямля з блакітнымі вачамі”.
![](https://sp-ao.shortpixel.ai/client/to_auto,q_lossless,ret_img,w_844,h_584/https://www.beresta.by/wp-content/uploads/2020/10/Opera-Снимок_2020-10-30_095336_www.instagram.com_.png)
![](https://sp-ao.shortpixel.ai/client/to_auto,q_lossless,ret_img,w_879,h_427/https://www.beresta.by/wp-content/uploads/2020/10/Opera-Снимок_2020-10-30_095425_www.instagram.com_.png)
![](https://sp-ao.shortpixel.ai/client/to_auto,q_lossless,ret_img,w_708,h_484/https://www.beresta.by/wp-content/uploads/2020/10/Opera-Снимок_2020-10-30_095531_www.instagram.com_.png)