Сталіцай свята працаўнікоў вёскі “Дажынкі – 2020” сёлета стане Скідзель.
Горад ужо рыхтуецца сустрэць гасцей. А супрацоўнікі сферы культуры працуюць над насычанай праграмай. Абавязкова будуць узнагароды для лепшых працаўнікоў, выставы дасягненняў, незвычайныя фотазоны, конкурсы снапоў і забавы кшталту гонак на газонакасілках.
![64001ca055cd8a750a7ecaae67368847.jpg](https://grodnonews.by/upload/medialibrary/303/30377e1185c8da4ad0b1717269d76c64.jpg)
![7ec394a069a03281a62ab116df501fd2.jpg](https://grodnonews.by/upload/medialibrary/38b/38b50a468f8cb91983bfd3e91bd0ebcb.jpg)
У гэтым годзе, які праходзіць пад знакам 75-годдзя Вялікай Перамогі, падчас “Дажынак” у старым парку з’явіцца тэматычная пляцоўка “Мірная Беларусь пад белымі крыламі”. Госці змогуць наведаць інтэрактыўны музей, пакаштаваць салдацкую кашу, паглядзець канцэрт з аўтасцэны.
![27439ba060245aa0b671ecd35f5a1b41.jpeg](https://grodnonews.by/upload/medialibrary/ab8/ab821ceff35be33de3a068e7d8d066f1.jpeg)
Да свята таксама мяркуецца вырабіць драўляную кнігу з картай Гродзенскай вобласці і “ўпісаць” у яе вынікі сельскагаспадарчага году кожнага раёна. Лепшых з лепшых узнагародзяць падчас святкавання ў Доме культуры. Тут жа пройдзе фотавыстава “Гродзенскай праўды”, якая пакажа штодзённыя клопаты працаўнікоў сельскай гаспадаркі, што фатографы і журналісты “збіраюць” падчас творчай працы на палях рэгіёна.
![abe5b5c171473d3569f2c6c023e46338.jpg](https://grodnonews.by/upload/medialibrary/554/554df34271421a6f6eb3bf1c0ac6c543.jpg)
Якім толькі тэмам ні былі прысвечаны ў розныя гады падворкі раёнаў! Сёлета на іх прапануецца адлюстраваць асаблівасці і паказаць атрыбуты той ці іншай сельскагаспадарчай прафесіі. Упэўнены, будуць прысвечаныя пчалярам, кветкаводам, садаводам і многім іншым.
Рыбацкая пляцоўка “КлЁвая” ўпершыню на “Дажынках” запросіць на спаборніцтвы па лоўлі рыбы… у фантане.
Адным словам, планаў і задумак, якія дазволяць зрабіць свята запамінальным і яркім, багата.
![f6d0e1a5a0222fdca6784ecf65169125.jpeg](https://grodnonews.by/upload/medialibrary/e79/e790af27ca878d002f14c5651c98d817.jpeg)