У Тэрытарыяльным цэнтры сацыяльнага абслугоўвання насельніцтва адбылося мерапрыемства, прысвечанае Дню яднання народаў Беларусі і Расіі, які адзначаецца 2 красавіка.
Было праведзена прававое паведамленне “Саюзная дзяржава: адзіная прававая прастора, абарона, бяспека”, падчас якога адбылося знаёмства з гісторыяй станаўлення гэтага знамянальнага дня, з супрацоўніцтвам Беларусі і Расіі ў розных сферах дзейнасці.
Адзначалася, што Дзень яднання народаў Беларусі і Расіі – знамянальная дата ў нашай агульнай гісторыі, яркі сімвал нашага братэрства.
На мерапрыемстве прысутнічалі наведвальнікі аддзялення дзённага знаходжання для грамадзян пажылога ўзросту Тэрытарыяльнага цэнтра сацыяльнага абслугоўвання насельніцтва, а таксама ўдзельнікі клуба маладых інвалідаў “Вясёлка дабра”.
Адбылася таксама прэзентацыя кніжнай выставы, якая ярка прадэманстравала нацыянальны здабытак, багатую культурную спадчыну рускага і беларускага народаў, наглядна паказала іх агульнасць, блізкасць не толькі геаграфічную, але і духоўную.
Інга АНТАНОВІЧ, бібліёграф Бераставіцкай райбібліятэкі
