Ранішнік для сяброў кнігі адбыўся ў Бераставіцкай раённай бібліятэцы

Актуально Культура Лента новостей

Напярэдадні зімовых канікул у Бераставіцкай раённай бібліятэцы імя В. М. Кавалеўскага адбыўся традыцыйны навагодні ранішнік для ўдзельнікаў аматарскага аб’яднання “Экалагічны буквар”. Бібліятэкары выказалі юным чытачам ўдзячнасць за актыўнасць і сяброўства з кнігай, а вясёлыя казачныя персанажы падарылі школьнікам узнёслы святочны настрой.

Удзельнікі аматарскага аб’яднання “Экалагічны буквар”, які ўжо доўгі час дзейнічае пры дзіцячай бібліятэцы, – гэта вучні 4 класа Вялікабераставіцкай СШ (класны кіраўнік Валянціна Карпуць). Актыўныя і дапытлівыя, яны любяць чытаць і з задавальненнем наведваюць розныя мерапрыемствы ў райбібліятэцы. Вось і цяпер, на ранішніку, юныя чытачы далучыліся да прапанаваных Бабай Ягой, Дзедам Марозам і Снягуркай конкурсаў і гульняў, адказалі на пытанні літаратурнай віктарыны і выканалі ўсе тэматычныя заданні.

Карагод вакол ёлкі, навагоднія песні і вершы – усё гэта было на ранішніку, як, зрэшты, і салодкія падарункі ад Дзеда Мароза, без якіх свята – не свята. Традыцыйна сродкі на падарункі выдаткоўваюцца аддзелам ідэалагічнай работы, культуры і па справах моладзі Бераставіцкага райвыканкама.

Святлана Ганчарова



Добавить комментарий

Ваш адрес email не будет опубликован. Обязательные поля помечены *