У філіяле “Дзіцячая бібліятэка” ДУК “Бераставіцкая раённая бібліятэка імя В.М.Кавалеўскага” вызначылі лепшых удзельнікаў традыцыйнай конкурснай праграмы

Лента новостей

123У філіяле “Дзіцячая бібліятэка” ДУК “Бераставіцкая раённая бібліятэка імя В.М.Кавалеўскага” вызначылі лепшых удзельнікаў традыцыйнай конкурснай праграмы “Сонечная палянка летняга чытання”. Пераможцаў конкурсу, які стартаваў 1 чэрвеня, ушанавалі ў аўторак, 30 жніўня.

– Конкурс летняга чытання праходзіць у рамках рэспуб­ліканскай акцыі “Лета з добрай кнігай”. І ўдзельнічаюць у ім, як правіла, юныя чытачы, якія сябруюць з кнігай з ранняга дзяцінства, – расказвае загадчык філіяла Аксана Кумпель. – Такіх дзетак у гарпасёлку нямала. Некаторыя з іх прыходзяць у бібліятэку з бацькамі,а хтосьці самастойна асвойвае цікавы і таямнічы свет кнігі і чытання. Умовамі кокурсу было прадугледжана наведаць бібліятэку за лета не менш 10 разоў, прачытаць як мінімум 15 кніг, напісаць водгук на твор, які найбольш спадабаўся, адрамантаваць 4-5 бібліятэчных кніжак, зрабіць цікавыя фотаздымкі на тэму “Лета і кніга”, стварыць сваімі рукамі выраб з дэкаратыўна-прыкладных матэрыялаў, адказаць на пытанні віктарыны. Актыўнасць, трэба адзначыць, была нядрэнная. Некаторыя з удзельнікаў конкурсу прыходзілі да нас нават і часцей, наведвалі шматлікія мерапрыемствы, якія праводзілі бібліятэкары падчас школьных канікул.
Найбольшую актыўнасць праявілі Арсеній Сідаркевіч (9 клас), Ірына Лабовіч (4 клас), Раман (4 клас) і Валерыя (2 клас) Касуравы, Ганна Зязюля (5 клас). Менавіта гэтыя чытачы прызнаны пераможцамі конкурсу. Яны ўзнагароджаны граматамі і пазнавальнымі энцыклапедыямі.
Арсеній Сідаркевіч. Я пастаянна ўдзельнічаю ў гэтым конкурсе. Мне найбольш падабаецца чытаць кнігі гістарычнага характару, драматычнага жанру, напрыклад, Шэкспіра “Рамэо і Джульету”, Тургенева “Асю”, Пушкіна “Яўгеній Анегін”. Пушкін увогуле мой любімы паэт, паэт на ўсе часы. І нельга нават і параўнаць чытанне з электроннага носьбіта з кнігай, да таго ж ілюстраванай малюнкамі. Гэта асаблівае адчуванне.
Раман і Валерыя Касуравы. Вельмі любім наведваць дзіцячую бібліятэку. Асабліва падабаецца нам знаёміцца з энцыклапедыямі пра жывёльны і падводны свет. А яшчэ шмат чытаем з мамай і татам па вечарах і выхадных днях.
Ганна Зязюля. Акрамя класічных твораў, вельмі люблю чытаць прыгодніцкія дэтэктывы для дзяцей, гумарыстычныя апавяданні.
Ірына Лабовіч. Увогуле, люблю чытаць. Асабліва мне падабаецца літаратура беларускіх пісьменнікаў і паэтаў.

Старонку падрыхтавала Святлана ГАНЧАРОВА



Добавить комментарий

Ваш адрес email не будет опубликован. Обязательные поля помечены *