У філіяле па культурна-дасугавай дзейнасці аг. М. Бераставіца адбылося фальклорна-абрадавае свята “Багач”, якое ў народным календары прымеркавана да завяршэння збору ўраджаю.
Актыўны ўдзел у мерапрыемстве прыняла творчая група філіяла па культурна-дасугавай дзейнасці аг. Макараўцы і бібліятэкар Алекшыцкай сельскай бібліятэкі Зоя Хлебнікава. Была падрыхтавана кніжная выстава “Духоўных кніг боская мудрасць”.
Прыезджыя і мясцовыя артысты парадавалі гледачоў вясёлымі народнымі песнямі пра багаты ўраджай. Былі арганізаваны гульні, танцы і абавязковыя пачастункі хлебам з зерня новага ўраджаю.
Святлана Ганчарова
