Ніхто не будзе спрачацца, што самая чароўная пара года — зіма. Белыя сняжынкі, мароз, санкі, лыжы, снежкі, снежная баба… Згадзіцеся, што гэта сапраўды чароўна. І як не скарыстацца такімі спрыяльнымі ўмовамі для добрага адпачынку? 5 студзеня ў Пархімаўскім яслях-садзе-базавай школе прайшоў Дзень снегу. Гульня “Снежныя фантазіі” і конкурс “Снежных скульптур” сталі цудоўным адпачынкам у шосты школьны дзень.
Шмат радасці хлопчыкам і дзяўчатам прынесла катанне на лыжах. Таксама навучэнцы паспрабавалі сябе ў якасці скульптараў: збіралі рыдлёўкамі снег у кучы, фарміравалі пабудовы. На тэрыторыі ўстановы з’явіліся снегавікі, кветкі, снежныя крэпасці, сімвал 2019 года.
Дзеці атрымалі асалоду, зарад бадзёрасці ад такога зімовага адпачынку. А самае галоўнае – умацавалі здароўе.
Святлана Войшэль, класны кіраўнік 7 класа Пархімаўскага ясляў-сада-базавай школы
