Адзіны дзень інфармавання прайшоў 17 сакавіка на Бераставіччыне

У мінулы чацвер на Бераставіччыне прайшоў адзіны дзень інфармавання насельніцтва па тэме: “ 2011 год – Год прадпрымальнасці”. Члены абласной інфармацыйна-прапагандысцкай групы ў складзе начальніка ўпраўлення адукацыі аблвыканкама А.І.Сягодніка і намесніка начальніка фінансавага ўпраўлення А.Ф.Місюлі наведалі працоўны калектыў СВК імя Варанецкага. Прадстаўнікі інфармацыйна-прапагандысцкіх груп райвыканкама ў гэты дзень сустрэліся з маладзёжным актывам г.п.В.Бераставіца, жыхарамі вёсак Канюхі, Хілякі, наведалі шэраг працоўных калектываў.
У час сустрэч слухачы мелі магчымасць не толькі азнаёміцца з цікавым матэрыялам, але і задаць пытанні, якія іх найбольш хвалююць.
Зінаіда Самкова