СВК «Пархімаўцы»: Здабытак складаецца з укладу кожнага

Лента новостей Сельское хозяйство

маладосць не перашкода для росту прафесійнага майстэрства аператараў машыннага даення кароў Таццяны Хаванец і Наталлі Кароль.
Маладосць не перашкода для росту прафесійнага майстэрства аператараў машыннага даення кароў Таццяны Хаванец і Наталлі Кароль.

Вытворчы сельгаскаа­ператыў “Пархі­маў­­цы” Юрый Казімі­равіч Ярэміч узначальвае ўсяго паўтара гады. Але і такі кароткі час паказаў, што старшыні і пра­цоўнаму калектыву – па дарозе: ёсць ўзаема­разуменне і ўзаемапавага, давер і агульныя мэты. І старшы­ня, і працаўнікі ра­зам накіроў­ваюць свае намаганні на тое, каб расла аддача зямлі, павялічвалася вытворчасць жывё­лагадоўчай пра­дукцыі. Нягледзячы на складаныя кліматычныя ўмовы, валавы намалот збожжа вырас сёлета больш чым на паўтысячы тон. З прыбаўкай працуюць і жывёлаводы. Так, валавая вытворчасць малака за дзевяць месяцаў склала ў адносінах да такога ж перыяду мінулага года 105,3 працэнта, мяса – 120,2 працэнта. Надой на карову ў цэлым па сельгаскааператыве дасягнуў за студзень-верасень 4509 кілаграмаў, сярэднесутачнае прыбаўленне ў вазе буйной рагатай жывёлы на адкорме – 697 грамаў (прыбаўка – 144 грамы).
Напярэдадні Дня работ­нікаў сельскай гаспа­дар­кі і перапрацоўчай пра­мыс­ловасці старшыня сельгаскааператыва з удзячнасцю гаворыць пра сваіх працаўнікоў.
–Кожны з іх на сваім працоўным месцы ўносіць уклад у агульную справу, – падкрэслівае Юрый Казіміравіч.

На любой рабоце стараннем вызначаецца механізатар  Віктар Маслоўскі.
На любой рабоце стараннем вызначаецца механізатар
Віктар Маслоўскі.

Пры гэтым кіраўнік адзначае тых, хто здолеў дабіцца сёлета найлепшых вытворчых паказачыкаў. Гэта механізатар Іван Архіп­чык, які ўнёс пад ураджай мінеральныя ўгнаенні на 2018 гектарах. А таксама Сяргей Бычкоўскі, які вызначыўся на запраўцы глебы арганікай: выпрацоўка гэтага механізатара – 1617 гектараў. 4644 тоны арганічных угнаенняў пагру­зіў пагрузчыкам Валерый Хаванец.
З усёй адказнасцю праца­валі механізатары на ворыве глебы, сяў­бе збожжавых і зернебабовых, прапашных культур. Так, на сяўбе азімых Уладзімір Сяпееў дабіўся максімальнай вы­працоўкі: трактарам МТЗ-3022 ён засеяў 827 гектараў. А Аляксандр Карпуць на Джон-Дзіры забяспечыў своечасовае ворыва зябліва: механізатар узараў 650 гектараў глебы.

У трактарыста пагрузчыка Франца Клімовіча – багаты працоўны стаж і вялікі вопыт.
У трактарыста пагрузчыка Франца Клімовіча – багаты працоўны стаж і вялікі вопыт.

Сярод аператараў машыннага даення вызначылася звяно з малочнатаварнага комплексу “Канчаны” (яго ўзначальвае Наталля Казейка). У складзе гэтага звяна – Галіна Канаева, Наталля Кароль і Людміла Качаноўская. За 9 месяцаў прадуктыўнасць кожнай каровы склала ў жанчын у сярэднім 4557 кілаграмаў малака. Старшыня адзначыў таксама і старанне слесара комплекса Анатолія Пагранічнага, лабаранта Святланы Шоўгі.
Многае ўжо зроблена ў сельгаскааператыве і для росту вытворчых паказчыкаў у раслінаводстве, і ў жывё­лагадоўлі ў годзе будучым. Да прыкладу, кармоў для жывёлы тут назапашана больш, чым летась, а па нарыхтоўцы сіласу сёлетні паказчык большы, чым мінулагодні. Значыць, быць і прыбаўцы жывёлагадоўчай прадукцыі.
З прафесійным святам вас, шаноўныя працаўнікі сельгаскаператыва, і добрых працоўных зда­быткаў у будучым!

Марыя Драпеза,
фота аўтара



Добавить комментарий

Ваш адрес email не будет опубликован. Обязательные поля помечены *