Зварот да працоўных калектываў і жыхароў Бераставіцкага раёна

Лента новостей

Па добрай традыцыі з 15 верасня па 15 кастрычніка Бераставіцкі райвыканкам аб’яўляе дабрачынную акцыю “Ветэраны жывуць побач”, якая прысвечана Дню пажылых людзей.
Пры правядзенні акцыі выканкам зыходзіць з таго, што Прэзідэнт і ўрад Рэспублікі Беларусь пастаянна на адно з галоўных месцаў ставяць ўвагу да пажылых людзей і клопат пра іх. У нашым раёне таксама вядзецца немалая работа па аказанні рознабаковай дапамогі ветэранам і адзінокім састарэлым грамадзянам сельскімі выканканамі і працоўнымі калектывамі. Аднак, сёння ўсе павінны зразумець, што мы ў пастаянным неаплатным даўгу перад старэйшым пакаленнем.
Неабходна наведаць сем’і ветэранаў, арганізаваць дапамогу ва ўборцы агародніны і садавіны, нарыхтоўцы паліва, падрыхтоўцы дамоў і кватэр да зімы, па магчымасці аказаць і матэрыяльную дапамогу, арганізаваць і правесці культмасавыя мерапрыемствы, сустрэчы з пажылымі людзьмі. Асаблівай увагі патрабуюць таксама адзінокія састарэлыя грамадзяне.
Спадзяёмся, што гэтая акцыя стане клопатам усіх жыхароў раёна, працоўных калектываў, грамадскіх арганізацый, камерцыйных структур, навучальных устаноў.
Раённы выканаўчы камітэт



Добавить комментарий

Ваш адрес email не будет опубликован. Обязательные поля помечены *