21 лютага — Міжнародны дзень роднай мовы. Свой верш беларускай мове прысвяціў начальнік адасобленай групы Бераставіцкага раёна Віталь Ігнатовіч

Лента новостей

21 лютага па рашэнні  Генеральнай сесіі ЮНЕСКА ва ўсім свеце адзначаецца Міжнародны дзень роднай мовы.  Гэта свята – нагода для кожнага з нас  яшчэ раз задумацца аб лёсе  нашай роднай беларускай мовы, якую мы завём матчынай,  і  на якой размаўлялі нашы продкі. Мова жывая, пакуль на ёй гавораць. На жаль, беларуская мова сёння  рэдка гучыць у штодзённым ужытку. Дык давайце хоць у Міжнародны дзень роднай мовы паспрабуем звяртацца адзін да аднаго па-беларуску.

Начальнік адасобленай групы Бераставіцкага раёна раённага ваеннага камісарыята Ваўкавыскага, Бераставіцкага і Свіслацкага раёнаў Віталь Ігнатовіч прысвяціў роднай мове свой верш «Мова».

МОВА

Чаму ты вымучана і зьнявечана,

Чаму ты, мова мая, так скалечана,

І сваімі людзьмі ўжо забытая:

Слова матчына і каханае!?..

 

Дзе ты, мова мая, – мілая, родная!?..

Як сьлязінка першая – ты гаротная!

Як бабуліна казка – адзіная!

Дык чаму ты ў магілах схаваная?..

 

Дзе ж Максім наш і Янка з Коласам

Са сваім найзванчэйшым голасам,

Што ўздымалі натоўпы самотныя,

Да мовы сваёй іх прывёўшыя!?

 

Ах! Мова мая, ты салодкая –

Як каханне з дзяўчынай – першая –

Пацалункам сваім незабыўная,

І ў абдымках сваіх утульная!

 

Над прасторам зямлі беларускае

Ты адзіная – найгучнейшая,

Толькі ціхая і забытая…

Але ўсё адно – наймілейшая!

 

Не пакіну цябе, не забудуся,

Як і маці сваёй – не цураюся!

Як карэньнем дрэва трымаецца –

Без цябе мне жыцьця ня бачыцца!

 

Толькі ты, мая мова родная,

У пагоню за здраднікам здольная,

Каб ня даць ім “чужынцамі быць”,

Каб адчулі як “сэрца баліць”!

 

Дык паўстань жа з часоў тых скарынаўскіх

І з далёкіх гадоў нашаніваўскіх!

Каб адчуў кожны з нас, што бязродны ён

Без цябе, мая вольная, родная!..

                                                                             



Добавить комментарий

Ваш адрес email не будет опубликован. Обязательные поля помечены *