У Бераставіцкім раёне напярэдадні Дня Незалежнасці ветэраны вайны атрымалі матэрыяльную дапамогу ад райвыканкама

День Независимости Общество

Матэрыяльную дапамогу ў памеры дзвюх базавых велічынь атрымалі ад раённага выканаўчага камітэта напярэдадні Дня Незалежнасці Рэспублікі Беларусь ветэраны Вялікай Айчыннай вайны з Бераставіччыны.

 Са святочнымі  віншаваннямі да тых, хто асабіста  набліжаў вызваленне нашай краіны  ад нямецка-фашысцкіх захопнікаў, у Вялікай Бераставіцы 29 чэрвеня завіталі старшыня раённага савета ветэранаў Алена Сілкова і загадчык аддзялення пярвічнага прыёму, інфармацыі, аналізу і прагназавання   Тэрытарыяльнага цэнтра сацыяльнага абслугоўвання насельніцтва Наталля Карвацкая.

— З кожным годам усё менш застаецца сярод нас удзельнікаў Вялікай Айчыннай вайны, якія вызвалялі нашу зямлю ад нямецка-фашысцкіх захопнікаў, — гаворыць старшыня   раённага савета ветэранаў Алена Сілкова. – На сённяшні дзень іх на Бераставіччыне засталося толькі 9 чалавек. І нам вельмі важна не забываць пра тых, хто, не шкадуючы свайго жыцця, здабываў для нас свабоду і незалежнасць, падымаў з руінаў нашу краіну ў пасляваенныя гады. Таму ў гэтыя перадсвяточныя дні мы яшчэ раз выказалі нашым ветэранам словы падзякі за іх баявы подзвіг і ўручылі ім грашовую дапамогу ад райвыканкама.

Ветэранам, якія пражываюць на тэрыторыі раёна, грашовую дапамогу з віншаваннямі з Днём Незалежнасці перадалі старшыні мясцовых  сельсаветаў.

Ірына МІКЛАШ, фота аўтара



Добавить комментарий

Ваш адрес email не будет опубликован. Обязательные поля помечены *