Сыр “Альберы” вытворчага цэха “Бераставіца” ААТ “Молочный Мир” адзначаны залатым знакам якасці

Лента новостей

— Вытворчы цэх “Бераставіца” ААТ “Молочный Мир” – значымае прадпрыемства для Бераставіцкага раёна, сюды ўкладваліся вялікія сродкі, — гаворыць начальнік цэха Анатоль Сідлярэвіч. – Тут функцыянуе сучасная эфектыўная экспартаарыентаваная вытворчасць, якая прыносіць валюту. І мы не спыняемся на дасягнутым, імкнемся ісці ў нагу з часам. У цэху працуюць каля 150 чалавек. Дзякуючы якасным характарыстыкам, малочная прадукцыя прадпрыемства задавальняе патрэбы спажыўцоў. Бераставіцкія сыры вядомы далёка за межамі нашай краіны. Значная частка вырабляемай прадукцыі пастаўляецца ў Расію. Высокая культура якасці адпаведна падмацавана сертыфікаванымі сістэмамі менеджменту якасці СТБ ІSО 9001 – 2009 і сістэмай менеджменту бяспекі СТБ 1470 – 2012 на падставе аналізаў рызыкі кантрольна — крытычных пунктаў. Вытворчыя магутнасці па перапрацоўцы сыравіны разлічаны на 100 тон у суткі, а па выпуску тлустых сычужных сыроў – на 10 тон у суткі. Цэх выпускае 10 найменняў сыру. Зараз вядзецца сертыфікацыя яшчэ аднаго новага гатунку – “Манаршага”. Экспартаарыентаваная прадукцыя цэха часта прадстаўляецца на міжнародных конкурсах, заваёўвае шмат узнагарод. Сучасныя тэхналогіі і залатыя рукі нашых землякоў падтрымліваюць гонар раёна. У маі гэтага года на Міжнароднай выстаўцы “Усерасійская марка” (Трэцяе тысячагоддзе) сыр сычужны “Альберы” быў адзначаны залатым знакам якасці. Зараз у цэху вядзецца капітальны рамонт абсталявання кацельні і рэканструкцыя салільнага аддзялення. Ніна Наддэ, фота аўтара



1 комментарий по теме “Сыр “Альберы” вытворчага цэха “Бераставіца” ААТ “Молочный Мир” адзначаны залатым знакам якасці

  1. По прежнему актуален вопрос: когда же в районном центре, в котором производят сыр, можно будет этот сыр увидеть в ассортименте и купить на свой выбор?
    Этот вопрос на страницах газеты (сайта) поднимался неоднократно. Может настал момент, чтобы на него ответить соответствующим лицам?

Добавить комментарий

Ваш адрес email не будет опубликован. Обязательные поля помечены *