Нарыхтоўка кармоў — справа першачарговай важнасці

Лента новостей

DSCF3640 5Ад таго, ці ў дастатку нарыхтуюць сёлета якасных кармоў, залежыць далейшае развіццё жывёлагадоўлі ў краіне. І так у гэтым годзе ўжо дапушчана зніжэнне валавой вытворчасці малака ў рэспубліцы, і гэта не ўлічваючы яго якасць. Увядзенне ў эксплуатацыю шматлікіх новых малочнатаварных комплексаў у рэспубліцы таксама не зрушыла праблему з месца, хаця на іх будаўніцтва былі выдаткаваны велізарныя сродкі. Да таго ж няўстойлівае дажджлівае надвор’е ў маі дадало турбот нашым аграрыям.
Нядаўна ў Гродне адбылася сумесная нарада з удзелам кіраўніцтва аблвыканкама і Камітэта дзяржкантролю па Гродзенскай вобласці. Канстатавалася, што на Гродзеншчыне першы ўкос траў у многіх раёнах вядзецца са спазненнем, а ўсяго трэба ўбраць 218 тысяч гектараў. Намеснік старшыні камітэта па сельскай гаспадарцы і харчаванні аблвыканкама Аляксандр Вайцяховіч адзначыў, што травы перастойваюць, а сенажу нарыхтоўваецца недастаткова. Харчовая каштоўнасць такіх пераспелых траў моцна зніжаецца, таму трэба прыкласці ўсе намаганні, каб тэрмінова зрабіць усё, што магчыма.
У нашым раёне, каб не было “сюрпрызаў надвор’я”, першы ўкос ўжо завяршыўся б. На другую палову касавіцы перайшлі блізкія да яе заканчэння працаўнікі РУСП “Масаляны”, інтэнсіўна вядуцца работы ў СВК “Цецяроўка” і аграфірме “Стары Дворац”.
У СВК “Цецяроўка” першым укосам трэба ўбраць 1026 гектараў каштоўных траў. Гэта злакавыя, люцэрна і канюшына. Структура аптымальная, травы вызначаюцца высокім утрыманнем бялку і вітамінаў. На “зялёным жніве” працуюць з васьмі гадзін ранку і да васьмі вечара 4 касілкі. Заняты на іх адказныя механізатары Алег Дзегцяроў, Мікалай Гардзейка, Пётр Журавенка і Віктар Гарбуз. З граблямі працуюць Аляксандр Раманчук, Васіль Царанкоў і Мікалай Чыжэўскі. За штурвалам двух магутных кормаўборачных “Джон Дзіраў” знаходзяцца Іван Альцывановіч і Віктар Ярмолік. Сенажу трэба нарыхтаваць 16700 тон, сена – 1050 тон. На сена ідуць злакавыя. Сенажу закла­дзена ўжо дзве траншэі, якасць кармоў добрая. На трамбоўцы працуюць Віктар Трахімік, Барыс Савіцкі, Віталій Гульнік, Аляксандр Будніцкі, Уладзімір Рагун. Трамбоўка вядзецца кругласутачна.
“Зялёны канвеер” працуе зла­джана.
Ніна Наддэ



Добавить комментарий

Ваш адрес email не будет опубликован. Обязательные поля помечены *