Зорная эстафета наведала ўсе памятныя месцы Бераставіцкага раёна

Лента новостей

Старт святочным мерапрыемствам, прысвечаным 70-годдзю Вялікай Перамогі, у нашым раёне дала Зорная эстафета “Ад помніка да помніка”, якая вырушыла з райцэнтра 8 мая.
Пасля невялікага мітынгу, які адбыўся ля помніка воіну-вызваліцелю ў Вялікай Бераставіцы, эстафетныя групы былі накіраваны па 6-і розных маршрутах, каб наведаць усе помнікі, памятныя знакі і месцы воінскіх пахаванняў, размешчаныя на тэрыторыі нашага раёна, тым самым сімвалічна аб’ядноўваючы ўсіх жыхароў раёна і ўшаноўваючы памяць загінуўшых у гады самай жорсткай у сучаснай гісторыі вайны.
Удзел у эстафеце прыняла вучнёўская і працоўная моладзь, воіны-пагранічнікі, прадстаўнікі аддзела ўнутраных спраў райвыканкама, раённага аддзела па надзвычайных сітуацыях. Сярод удзельнікаў эстафеты былі і воіны-інтэрнацыяналісты, і члены Беларускага саюза афіцэраў.
Адпраўляючы эстафету, старшыня раённага Савета дэпутатаў Міхаіл Пісарык павіншаваў усіх з Днём Перамогі і даў наказ аддаць даніну павагі і ўскласці кветкі да кожнага помніка воінам-вызваліцелям. Як сімвал памяці аб загінуўшых у гады Вялікай Айчыннай вайны, маладыя людзі запалілі ад Вечнага агню лампадкі, каб прывезці іх да ўсіх памятных месцаў і ўшанаваць тых, хто аддаў жыццё за нашу свабоду.
Згодна з распрацаваным графікам, эстафета наведала і прыняла ўдзел ва ўрачыстых мітынгах, якія прайшлі ля кожнага помніка нашага раёна. Пранікнёныя словы ўдзячнасці і павагі прагучалі ў адрас ветэранаў Вялікай Айчыннай вайны, былі прыгаданы імёны загінуўшых, памяць аб іх была ўшанавана мінутай маўчання і ўрачыстымі залпамі, якія давалі воіны-пагранічнікі. На мітынгах прысутнічалі прадстаўнікі сельскіх Саветаў, устаноў адукацыі, арганізацый і сельгаспрадпрыемстваў раёна, жыхары мясцовых вёсак, родныя і блізкія загінушых жыхароў нашага раёна.
Кветкі, вянкі і лампадкі ад ўдзячных нашчадкаў былі ўскладзены да кожнага помніка, а іх у маршруце Зорнай эстафеты налічвалася 30. Выступаючы на мітынгах, удзельнікі Зорнай эстафеты паабяцалі зберагчы мірнае і свабоднае жыццё беларускага народа, якое было заваявана нашымі дзядамі і прадзедамі, і быць годнымі подзвігу салдатаў Вялікай Айчыннай вайны.
Ірына МІКЛАШ, фота аўтара

IMG_4532 IMG_4535 IMG_4537 IMG_4543 IMG_4549

На ўрачыстым мітынгу, які прайшоў у вёсцы Бераставічаны, вельмі хвалюючымі сталі выступленні сваякоў загінуўшых землякоў і дзяцей удзельнікаў Вялікай Айчыннай вайны. У прыватнасці, перад прысутнымі выступілі сястра загінуўшага ў гады Вялікай Айчыннай вайны Канстанціна Нікана Клаўдзія Нікан (на здымку), а таксама дзеці тых, хто ваяваў: Зоя Жывель, Мікалай Жлабовіч, Зоя Тоўкач. Яны ўспомнілі сваіх родных і блізкіх і тую бяду, якую прынесла вайна нашаму народу, і папрасілі прысутных не дапусціць паўтарэння тых страшных падзей.
На ўрачыстым мітынгу, які прайшоў у вёсцы Бераставічаны, вельмі хвалюючымі сталі выступленні сваякоў загінуўшых землякоў і дзяцей удзельнікаў Вялікай Айчыннай вайны.
У прыватнасці, перад прысутнымі выступілі сястра загінуўшага ў гады Вялікай Айчыннай вайны Канстанціна Нікана Клаўдзія Нікан (на здымку), а таксама дзеці тых, хто ваяваў: Зоя Жывель, Мікалай Жлабовіч, Зоя Тоўкач.
Яны ўспомнілі сваіх родных і блізкіх і тую бяду, якую прынесла вайна нашаму народу, і папрасілі прысутных не дапусціць паўтарэння тых страшных падзей.

IMG_4571 IMG_4572 IMG_4590 IMG_4596 IMG_4607 IMG_4642 IMG_4652 IMG_4656

 



Добавить комментарий

Ваш адрес email не будет опубликован. Обязательные поля помечены *