“Актыўны грамадзянін: мае ўчынкі – мая адказнасць,” – на такую тэму разважалі, дыспутавалі старшакласнікі Канюхоўскага ясляў-сада – сярэдняй школы, удзельнікі праекта “Школа Актыўнага Грамадзяніна”.
Чацвёрты чацвер верасня сабраў вучняў на адзіны дзень інфармавання, а змагла запаліць “агеньчык”, зацікавіць іх намеснік дырэктара школы па вучэбна-выхаваўчай рабоце Наталля Мікалаеўна Шмароўская. Структуру мерапрыемства склалі тры ўзаемазвязаныя змястоўныя блокі.
У ходзе рэалізацыі першага – “Мы пазнаём” – вучаніцы IX класа Дар’я Васільчанка і Дар’я Крэўчык нагадалі ўдзельнікам пра тое, што кожны грамадзянін нашай краіны мае правы і абавязкі. Усе, у тым ліку і непаўналетнія, павінны захоўваць законы дзяржавы, з павагай адносіцца да дарослых і сваіх бацькоў, паважаць правы і інтарэсы другіх грамадзян, традыцыі і культурныя каштоўнасці беларускага народа, атрымліваць веды і рыхтавацца да самастойнай працоўнай дзейнасці, бераждіва адносіцца да акружаючага асяроддзя.
У другім блоку – “Мы разважаем” — вучні абмяркоўвалі атрыманую інфармацыю і прыйшлі да высновы, што актыўны – гэта перш за ўсё адказны, заўсёды траба ўмець чуць і разумець адзін аднаго. Сталасцю думак, цікавымі меркаваннямі на гэтую тэму падзяліўся з сваімі сябрамі Ягор Болбат, вучань X класа. Ён лічыць, што ў жыцці патрэбна захоўваць закон, маральныя нормы, прыслухоўвацца да свайго сумлення.
Мікіта Раманчук, Рэната Гуж разважалі пра небяспечнасць канфліктных сітуацый. І ў гэтых сітуацыях, лічаць вучні X класа, трэба мець, перш за ўсё, адказныя паводзіны.
Павага да законаў дзяржавы, правы і маральнасць, прававы статус – у ракурсе абмеркавання старшакласнікаў.
Трэці блок – “Мы дзейнічаем”. Н.М. Шмароўская падвяла вынікі сустрэчы, звярнула ўвагу ўдзельнікаў на актуальнасць тэмы сёння, прапанавала распрацаваць міні-праект “Актыўны – значыць адказны. Прававая культура асобы”.
Закончылася гадзіна інфармавання атрыманнем падарункаў Прэзідэнта Рэспублікі Беларусь старшакласнікам. Кацярына Болбат, Арсеній Прымак і Віялета Дзямідзік прынялі шчырыя віншаванні з 14-годдзем, а таксама кнігі “Я – грамадзянін Рэспублікі Беларусь”.
Валянціна Кулісевіч, настаўнік беларускай мовы і літаратуры Канюхоўскага ясляў-сада-сярэдняй школы
