Семінар бібліятэкараў на Бераставіччыне

Лента новостей

1 2 3 5 6 7 8 9 10 11 12 13 14Тэма 70-годдзя вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне сёлета актуальна ва ўсіх сферах грамадскага жыцця. Памяць пра загінуўшых падчас Вялікай Айчыннай вайны вельмі важна захаваць і перадаць маладому пакаленню.

Менавіта аб гэтым ішла гаворка на раённым выязным семінары бібліятэчных работнікаў, які адбыўся ў Масалянскай сельскай бібліятэцы.
На сустрэчы падкрэслівалася роля бібліятэк у духоўным, эстэтычным і патрыятычным выхаванні падрастаючага пакалення, выхаванні гордасці за Радзіму, якая перамагла фашызм. У гэтым сэнсе заслугоўвае ўвагі сумесная работа бібліятэчных устаноў і агульнаадукацыйных школ. І прыклад менавіта такой плённай працы прадэманстравалі ўдзельнікам семінара члены навукова-даследчага таварыства “Скрыжалі” Масалянскага ясляў-сада-базавай школы на чале з настаўніцай Галінай Румак. Разам з бібліятэкарам Масалянскай СБ Ірынай Канеўскай (на здлымку) і сваім кіраўніком вучні падрыхтавалі і паказалі гасцям урок мужнасці пад назвай “У нашых сэрцах памяць аб кожным чацвёртым” і правялі цікавы экскурс у гісторыю аграгарадка Масаляны з выкарыстаннем відэапрэзентацый. Слухаючы выступаючых, бібліятэкары ўпэўніліся ў тым, што работа па вывучэнню гістарычнага мінулага роднага краю і выхаванню ў падрастаючага пакалення павагі да гераічных здабыткаў продкаў, зацікаўленне дзяцей краязнаўствам у Масалянах праводзіцца дастаткова актыўна і плённа. І заслуга ў гэтым, у вялікай ступені, нераўнадушнага, творчага, апантанага чалавека Галіны Румак.
Далейшая размова ўдзельнікаў семінара ішла аб тым, як знамянальныя і памятныя даты гэтага года знойдуць сваё адлюстраванне ў дзейнасці бібліятэк. Метадыст аддзела бібліятэчнага маркетынгу райбібліятэкі Наталля Багдановіч спынілася на тых фор­мах работы біблія­тэчных уста­ноў, якія сёлета можна выкарыстаць у сумеснай дзейнасці са школамі. Гэ­та, на­прыклад, вір­туальныя ванд­роўкі і выстаўкі, вусныя часопісы і літаратурна-музыч­ныя гасцёўні, электронныя прэзен­тацыі, прад­стаўленні візітак-партрэтаў і г.д. Наталля Іванаўна параіла бібліятэкарам шэраг самых буйных сайтаў, прысвечаных гісторыі Вялікай Айчыннай вайны, якія можна выкарыстаць у сваёй рабоце. А таксама нагадала, што з 1 па 6 ліпеня ў бібліятэках раёна пройдзе Тыдзень памяці “Нам жыць і помніць…”
Бібліяграфічны агляд літаратуры, у тым ліку новай, пра вайну правялі бібліятэкар аддзела абслугоўвання і інфармацыі Марына Белабокая і бібліятэкар дзіцячай бібліятэкі-філіяла Данута Лагада. А загадчык аддзела бібліятэчнага маркетынгу райбібліятэкі Алена Огер пазнаёміла ўдзельнікаў семінара з выдавецкімі працамі, якія былі падрыхтаваны бібліятэкарамі аддзела з нагоды юбілейных і памятных дат.
Падвяла вынікі семінара дырэктар Бераставіцкай РЦБС Таццяна Марцішэвіч.
Святлана Ганчарова,
фота аўтара



Добавить комментарий

Ваш адрес email не будет опубликован. Обязательные поля помечены *